Giunsa pagpugong sa Facebook ang pag-abuso sa platform?
Giimbestigahan namo ang tanang mga app sa among platform ug gipahigayon ang kinatibuk-ang pag-audit sa bisan unsang mga app nga adunay kadudahan nga aktibidad. Kung among makita ang mga developer nga sayop ang paggamit sa impormasyong naghatag og personal nga kailhanan, i-ban namo sila gikan sa Facebook. Mahimo sab nimong usbon ang pagkapribado ug mga opsyon para sa imong mga app ug mga dula.
Anaa sa kasingkasing ang pagprotekta sa imong pagkapribado sa tanang buhaton namo sa Facebook. Kinahanglan namo nga magbuhat og dugang aron protektahan ang imong pagkapribado, busa magbuhat kami og aksyon sa posibleng nangaging pag-abuso ug magbutang og mas lig-on nga mga proteksyon aron mapugngan ang umaabot nga pag-abuso sa among platform.
- Pahibal-on ka kung sayop ang paggamit sa imong datos sa usa ka app. Sa pagpadayon, kung among tangtangon ang usa ka app para sa sayop nga paggamit sa datos, among sultihan ang tanan nga migamit sa app. Nagbuhat sab kami og usa ka pamaagi para kanimo nga makita kung mahimong gi-akses ba ang imong datos pinaagi sa “thisisyourdigitallife," ang app nga nagpadala sa datos ngadto sa Cambridge Analytica ug misupak sa among mga palisiya sa platform.
- Gihimong mas sayon niini ang pagdumala sa mga app nga imong gigamit. Gipakita na namo kanimo kung unsa nga mga app ang nakonekta sa imong account ug kung unsang datos ang imong gitugot nga gamiton niining mga app. Sa pagpadayon, gihimo namo kini nga mga kapilian nga mas sayon nga pangitaon ug dumalahon pinaagi sa pagpakita kanimo sa usa ka tool sa ibabaw sa imong News Feed.
- Pagpawong sa akses para sa mga app nga wala gigamit. Kung wala ka migamit og usa ka app sa sulod sa miaging 3 ka buwan, tangtangon namo ang pag-akses sa imong impormasyon sa app.
- Pagpugong sa Datos sa Pag-login sa Facebook. Giusab namo ang pamaagi sa paggana sa pag-login aron makunhod ang datos nga mahimong hangyuon sa usa ka app nga walay pag-ribyu sa app. Mahimo lamang mohangyo ang mga app og ngalan, hulagway sa profile ug email address. Kinahanglan ang among pag-apruba sa paghangyo og bisan unsang uban pang datos.
