頭版

粵文維基百科

海納百川有容乃大
人人都寫得嘅自由百科

有 121,243 篇文章

是日正文

漢藏語系係語言學家按照譜系分類法劃分嘅一組語言群（語系級），但係劃分嘅形式好多。喺中國，漢藏語系一般分為四個語族，即漢語族、壯侗語族（或者叫侗泰語族；喺過去仲會加埋越南文入去）、苗瑤語族同藏緬語族；但國際主流學界從1950年代開始，就認為苗瑤語同壯侗語唔屬於漢藏語系，而係各自立爲一系，而越南文則公認屬南亞語系，所以學界主流認爲漢藏語系由漢語族同藏緬語族構成。但呢個係傳統分類，一啲學者，如無我喺2001年做嘅分類認爲，個語系下面可以分出40幾個，而一啲語言究竟係咪真係屬漢藏語亦有爭議。按無我嘅分法，會叫個語系做藏緬語系或者跨喜馬拉雅語系。雖然目前世界主流認爲壯侗語同苗瑤語有各自嘅譜系承傳，越南文亦唔屬漢藏系，但都唔完全同漢藏語無關，佢哋喺音韻、句法、詞彙方面同漢藏語系有相似之處，呢個要歸結於借詞同長時間嘅地區交流。

漢藏語系幾大下，語種數達400餘種民族語言，主要分布喺中國大陸、香港、澳門、台灣、越南、老撾、緬甸、泰國、印度、尼泊爾、錫金、不丹、孟加拉等亞洲國家同地區，地理大區上有東亞（中國）、東南亞、南亞（喜馬拉雅）。按母語嘅人數計算，係僅次於印歐語系嘅第二大語系，母語人口超過13億人。同時，漢藏語系喺時間深度、語言多樣性、同埋文化意義方面，亦唔輸得過印歐語系。漢藏語言中，以母語人口計，最多嘅前三位係中文、緬甸文、藏文（藏語支集合；600萬人講）。好多漢藏語言只使用喺偏僻山區嘅細社羣中，外界知曉佢哋嘅資訊好少。

法國學家沙加爾提出過漢藏語系同南島語系有發生學關係，哩個理論得到中國著名語言家邢公畹嘅認同。但現時漢藏語系同其他主要語系嘅關係仲未明確，呢啲跨語系嘅睇法未得廣泛認可。語系中好多細嘅下級分類群已經清楚確立，但呢啲細群之間更高級嘅關係構築仲未明瞭。雖然呢個系通常分成兩支，即漢同藏緬，但啲研究家未能確定非漢語嘅漢藏語嘅終極來源，而語系中唯有漢語嘅研究比較充分，同時成個語系嘅祖語擬構仲喺初步階段。(成篇文章……)

以前嘅正文：順化 – 劉賓雁 – 生命

歸檔 – 提名 – 全部72篇正文...

你知唔知...

...過山車物理會用到動能等嘅古典力學概念？
...瘟疫醫生（圖）做嘢嗰陣好多時都會著住黑鼆鼆嘅長袍？
...邵嵐曾經係對華政策跨國議會聯盟唯一一位香港代表？
...衝動係過度活躍症嘅其中一個症狀？
...軟件工程除咗會諗開發軟件嘅過程之外，仲會諗埋隻軟件出咗街之後要點樣執同改良？
...哲學喪屍呢個概念成日俾一啲哲學家用嚟嘗試證明「心靈同身體係分開唔同嘅兩樣嘢」？
...日本明仁天皇仲係皇太子嗰陣時曾經喺沖繩着襲擊？
...一啲個別消費者或者網民，睇到有其他人喺網上批評或者攻擊一個品牌嘅商品同服務之後，會基於唔同原因，幫品牌作出捍衛行為？

提名 – 歸檔 – 寫新文

是日靚畫

AAA電芯，又叫3A電芯，係一隻國際電芯大細標準，呈圓柱形，長44.5毫米，直徑10.5毫米。又叫做7號電。

圖片來自：Rescbr
舊圖 - 更多正圖...

時人時事

大埔公路大圍段有巴士翻側，一死十一傷。58歲巴士司機涉嫌危險駕駛導致他人死亡被捕。
小濠灣污水處理廠有4名工人被困沙井，其中一名女工送院後不治，其餘三名傷者有一個係女工嘅老公。
比利時研究發現口罩有可能致癌物質「二氧化鈦」，歐盟就話冇證據顯示口罩有致癌風險，呼籲民眾繼續戴口罩防疫。
網球名將彭帥（圖）喺社交平台度曝光自己被中國前副總理張高麗性侵後開始有咗長期嘅情人關係，瘋傳網絡引發咗熱議，喺中國大陸網絡平台相關資訊同關鍵字好快被封殺。
廿四歲嘅疑犯服部恭太喺東京京王線列車車廂內縱火並用刀襲擊乘客，造成最少17人受傷。
成立咗48年嘅香港教育專業人員協會、成立咗19年嘅民間人權陣線、成立咗32年嘅香港市民支援愛國民主運動聯合會，以及成立咗31年嘅香港職工會聯盟，分別先後宣佈解散，當中簡稱支聯會嘅香港市民支援愛國民主運動聯合會更加被香港特別行政區行政會議指示公司註冊處將佢除名。
真子公主正式同佢嘅大學同學小室圭結婚，離開日本皇室。
蘇丹軍方發動政變，拉咗過渡政府總理阿卜杜拉·咸都，並鎮壓反政變示威，造成至少7死170人傷。

維基新聞^{（英｜中）} – 訃聞 – 更多時人時事…

是日好文

獅子，簡稱獅，學名Panthera leo，係種住響非洲同亞洲嘅大型貓科動物，獅公嘅特徵係鬃毛。獅子係大型貓科動物中最成功嘅，重係非洲最大型嘅「獵人」。獅子公身長到 1.8 米，平均重 215 公斤；獅子乸身長到 1.6 米，平均重 150 公斤。非洲南部嘅獅子最大，亞洲嘅最細。獅子毛短，呈黃色，獅子公有好長嘅鬃毛，一般深啡色、淡啡色或紅啡色。

歸檔 – 提名 – 全部正文 – 全部好文...

當年今日

12月6號：芬蘭獨立日

1768年：《大英百科全書》（圖）第一版喺英國愛丁堡出版。
1790年：美國國會由紐約搬去費城。
1877年：《華盛頓郵報》創刊。
1917年：十月革命發生之後冇耐，芬蘭議會通過由俄國獨立嘅提案。呢日後來嗌芬蘭獨立日。
1921年：英國同愛爾蘭代表喺倫敦簽《英愛條約》，愛爾蘭島分割爲南部嘅愛爾蘭自由邦同北部嘅北愛爾蘭。第二年同一日，愛爾蘭自由邦成立。

上幾日：12月5號 – 12月4號 – 12月3號

舊文 – 更多當年今日

維基百科街坊

幫助櫃枱 — 問下點用維基百科。
詢問處 — 好似個圖書管理員。有唔同志願人士解答你各科疑難。
城市論壇 — 傾下維基百科本身嘅嘢，例如技術同方針。
社區大堂 — 維基百科唔同方面嘅壁佈板，計劃，資源，活動。
網站新聞 — 維基百科同維基基金會嘅宣佈，更新同新聞發佈。
本地大使館 — Tourists are most welcome to the embassy district of the Cantonese Wikipedia. You can find the ambassador for your language. And if you have any question, just ask.