B

Alfabetet
A	B	C	D	E
F	G	H	I	J
K	L	M	N	O
P	Q	R	S	T
U	V	W	X	Y
Z	Æ	Ø	Å

Bokstaven B (b) er den andre bokstaven i det latinske alfabetet.
I kyrillisk skrift har han symbolet Б. Det er òg andre bokstaven i det greske alfabetet (Β, β), som det latinske stammar frå. B er ein leppelyd. Det semittiske namnet på bokstaven tyder 'hus' (hebraisk beth, jamfør Betlehem som tyder 'brødhus'). I den opphavlege biletskrifta har teiknet vore eit riss av eit hus. Grekarane omdanna namnet til betâ. Etruskarane og etter dei romarane kalla bokstaven be. I fleire språk (spansk, russisk, nygresk) kan bokstaven vise til anten ein bilabial (b) eller ein labiodental (ein mellomting mellom norsk b og v). I den eldre runerekka var B det 18. teiknet. I den yngre runerekka var B det 13. Den greske bokstaven beta har saman med den føregåande alfa gjeve namn til alfabetet.

Versalen 'B' kan stå for:

• nasjonalitetsmerke på bilar frå Belgia
• det kjemiske symbolet for grunnstoffet bor
• symbol for bel, eininga for effektforhold, sjå desibel.
• tonen B
• ein blodtype
• informasjonseininga byte (eller oktett) i datavitskapen
• eit vitamin
• den nest beste karakteren i høgare utdanning
• Programmeringsspråket B
• På tyske bilskilt: Berlin
• På austerrikske bilskilt: Bregenz
• På rumenske bilskilt: Bucuresti
• På norske biskilt frå før 1971: Østfold
• På islandske bilskilt frå før 1989:Barðastrandarsýsla
• På spanske bilskilt frå før 2000: Barcelona
• på mynter kan B stå for at dei er prega på eit det andre utmyntingsstaden til eit land (til dømes Hannover, Rouen).

Minuskelen 'b' kan stå for:

• informasjonseininga bit i datavitskapen
• symbol for arealeininga barn
• forkorting for beatus, som tyder «salig». I latinske innskrifter er det forkorting for bonus i tydinga «god» eller bene i tydinga «godt».
• ♭, i musikken teikn for senking med eit halvt tonetrinn.

Kjelder

• «B – bokstav» i Store norske leksikon, snl.no.
  Denne språkartikkelen er ei spire. Du kan hjelpe Nynorsk Wikipedia gjennom å utvide han.