語言學
 | 呢篇文章需要由頭寫過。 請喺討論頁道討論相關議題。 |
| 語言學 |
| 理論語言學 |
| 應用語言學 |
| 第啲 |
語言學（粵拼：jyu5 jin4 hok6），係一門研究人類語言嘅一門科學。語言學以前係人類學或者符號學其中一個分支，但係宜家已經成為咗一門獨立嘅科學。而研究呢門學問嘅，就叫做語言學家。
現代語言學嘅目的，係對人類嘅語言作出客觀嘅記述。所謂記述就係將現有語言嘅法則同埋性質，用語言資料做準嘅記錄。就好似物理學家會諗點解蘋果會噉樣跌落黎一樣，語言學家會諗點解某種語言會用某一個方法去講某一樣嘢或者某一件事。
另外，現代語言學嘅一項重要原則同埋大前提，就係唔可以先入為主咁認定某種語言係「上等語言」或者「劣等語言」。以前有人以為語言嘅進化同埋社會發展、文明程度有關係，但係後來因為理解到任何語言都有番咁上下嘅複雜性，所以現代語言學否定咗語言上有進化呢回事（但係語言演變就依然係不爭嘅事實）。而家嘅語言學認為所有語言都唔單止可以滿足社會溝通嘅需要，重係文化嘅載體。
分類[改源碼]
語言本身嘅結構，其實就係將聲同意思做嘅配對。但係由聲音去到意思，可以細分做幾個範疇。
- 語音學：對人所發出嘅聲音嘅研究
- 音韻學：對語音之間嘅規律嘅研究
- 構詞學：對詞嘅內部結構嘅研究
- 句法學：探討啱文法嘅句子點樣由字組成
- 語義學：對字嘅意思嘅研究，同時會探討埋點樣由字嘅意思夾埋變做成句句子嘅意思
- 語用學：探討喺唔同環境底下，人點樣表達同理解語言嘅字面同埋背後嘅意思
其他分類[改源碼]
歷史語法學亦都從屬於歷史語言學，比較語法學亦從屬於比較語言學，描寫語法學亦從屬於共時語言學，歷史語法學、比較語法學、描寫語法學都係交叉學科。
上面嘅分類並唔係所有語言學家都認同，而每一個細類之間亦都有相當多嘅重疊。
歷史[改源碼]
語言學嘅歷史好耐。啲人初初嘅語言研究自從古代歷史已經開始咗，因為佢同古代哲學，歷史同埋文學有關。喺中國史上語言學出現喺訓詁學。喺古印度同埋古希臘公元前4世紀到3世紀已經有咗當地嘅文法學。
早期語言學研究[1][改源碼]
古希臘哲學[改源碼]
現代語言學嘅起源主要係嚟自古希臘。古希臘哲學中經常討論嘅語言問題主要有三個：# 語言係自然而生定係社會習俗；# 語言有無一種基礎嘅規則；同# 究竟有幾多種詞類。第三個問題一般被認為喺大約公元後500年被寫拉丁文法嘅語法學家柏利西安（英文：Priscian）所解決。而第二個問題就有所爭論。第一個問題牽涉到人類對語言嘅掌控，喺西方嘅傳統就仍未被解決。
中世紀[改源碼]
中世紀嘅西方語言學研究大多集中喺歐洲語言同拉丁文上。大多數歐洲語言學家依賴經典文獻，例如西塞羅（Cicero）同維吉爾（Virgil）嘅文字嚟詮釋「正確」嘅拉丁文語法。中世紀嘅經院哲學傳統都經常對現實論同唯名論（nominalism）有所爭論。一派認為名詞基於現實嘅指向，而另一派就覺得有非指向性嘅普遍用詞（例如人類，馬）。中世紀嘅語言學教育一般教授拉丁文語法、修辭同邏輯學。
文藝復興至啟蒙時期[改源碼]
文藝復興時期嘅人對古典語言有好大嘅興趣，當時大多數集中喺研究已經無人用嘅古典語言。1600之後嘅君主集中制推動咗當時嘅語言統一運動。笛卡兒（Descartes）覺得語言係人類嘅獨特區別；萊布尼茲（Leibniz）主張理性思考可以由語言嘅符號化所建構；而約翰洛克（John Locke）就認為文字係一種符號。但係佢覺得語言文字嘅意義係唔可以被確立，唔同嘅人可以用同樣嘅語言文字講到唔同嘅諗法。佢嘅諗法喺當時對語言學同知識論影響重大。而法國哲學家孔迪勒（Condillac）就承繼洛克嘅語言問題，以聖經嘅框架對語言起源作出新嘅詮釋。其後嘅語言學家砍布迪（Humboldt）就對語言嘅動態性同作為人嘅表達工具有再進一步嘅反思。
十九世紀[改源碼]
十九世紀嘅語言學集中喺比較文獻學。而十九世紀語言學好大程度係透過比較方法嚟研究梵文、希臘文、拉丁文依一啲印歐語系嘅語言。因為當時期唔同嘅語言學研究已經變得系統化，最終得語言學家抹拿（Max Miller）總結為一種科學。
現代語言學研究 [1][2][改源碼]
現代語言學開端[改源碼]
索雪（Ferdinand de Saussure）被認為係現代語言學嘅哥白尼。索雪喺佢嘅《通用語言學教程》（Cours de Linguistique générale）入面創立咗符號學（Semiology）傳統。佢指出語言係一種結構，而語言符號可以分為能指（Signifier）同所指（Signified）。依一種理論後來被唔同嘅語義學、語言哲學、符號學同結構主義所吸納。索雪亦都提出咗有關共時同歷時嘅語言學研究問題。另外索雪亦都對語言（Langue）同口語（Parole）之間嘅關係提出咗反思。
結構語言學（描寫學派）[3][改源碼]
結構語言學主要由美國語言學家布朗飛（Leonard Bloomfield）所開展。作為一個專精歷史語言同印歐語系嘅語言學家，布朗飛對古印度語法學家巴尼尼嘅梵文研究有好深入嘅理解，同時以描寫學派方式記錄咗南島語系同阿岡昆語族。而佢所寫嘅《語言》（Language）對語言學亦有好深嘅影響。布朗飛因為佢對語言學嘅科學方法嘅重視而喺語言學界廣受重視。[4][5][6][7]
杭士基同生成語言學[改源碼]
杭士基（Noam Chomsky）對現代嘅語言學理論亦都影響極深。
說明性 vs. 描述性[改源碼]
- ↑ 1.0 1.1 Harris, Roy (1997). Landmarks in linguistic thought. I, The Western tradition from Socrates to Saussure. Talbot J. Taylor (第2nd ed版). London: Routledge. ISBN 0-203-97697-5. OCLC 246969289.CS1 maint: extra text (link)
- ↑ Graffi, Giorgio (2013-03-01). "European Linguistics since Saussure". The Oxford Handbook of the History of Linguistics (英文). doi:10.1093/oxfordhb/9780199585847.013.0021. 喺2021-03-04搵到.
- ↑ Blevins, James P. (2013-03-01). American Descriptivism (‘Structuralism’). Oxford University Press. doi:10.1093/oxfordhb/9780199585847.013.0019.
- ↑ Emeneau, M. B. (1988). "Bloomfield and Pānini". Language. 64 (4): 755–760. doi:10.2307/414567. ISSN 0097-8507.
- ↑ Seuren, Pieter A. M. (1998-03-17). Western Linguistics (英文). Oxford, UK: Blackwell Publishing Ltd. doi:10.1002/9781444307467. ISBN 978-1-4443-0746-7.
- ↑ "Leonard Bloomfield". Linguistics Department, Yale University (英文). 2012-12-22. 喺2021-03-04搵到.
- ↑ Tomalin, Marcus (2004-01-01). "Leonard Bloomfield: Linguistics and mathematics". Historiographia Linguistica (英文). 31 (1): 105–136. doi:10.1075/hl.31.1.06tom. ISSN 0302-5160.