頭版

粵文維基百科

海納百川有容乃大
人人都寫得嘅自由百科

有 120,645 篇文章

是日正文

漢藏語系係語言學家按照譜系分類法劃分嘅一組語言群（語系級），但係劃分嘅形式好多。喺中國，漢藏語系一般分為四個語族，即漢語族、壯侗語族（或者叫侗泰語族；喺過去仲會加埋越南文入去）、苗瑤語族同藏緬語族；但國際主流學界從1950年代開始，就認為苗瑤語同壯侗語唔屬於漢藏語系，而係各自立爲一系，而越南文則公認屬南亞語系，所以學界主流認爲漢藏語系由漢語族同藏緬語族構成。但呢個係傳統分類，一啲學者，如無我喺2001年做嘅分類認爲，個語系下面可以分出40幾個，而一啲語言究竟係咪真係屬漢藏語亦有爭議。按無我嘅分法，會叫個語系做藏緬語系或者跨喜馬拉雅語系。雖然目前世界主流認爲壯侗語同苗瑤語有各自嘅譜系承傳，越南文亦唔屬漢藏系，但都唔完全同漢藏語無關，佢哋喺音韻、句法、詞彙方面同漢藏語系有相似之處，呢個要歸結於借詞同長時間嘅地區交流。

漢藏語系幾大下，語種數達400餘種民族語言，主要分布喺中國大陸、香港、澳門、台灣、越南、老撾、緬甸、泰國、印度、尼泊爾、錫金、不丹、孟加拉等亞洲國家同地區，地理大區上有東亞（中國）、東南亞、南亞（喜馬拉雅）。按母語嘅人數計算，係僅次於印歐語系嘅第二大語系，母語人口超過13億人。同時，漢藏語系喺時間深度、語言多樣性、同埋文化意義方面，亦唔輸得過印歐語系。漢藏語言中，以母語人口計，最多嘅前三位係中文、緬甸文、藏文（藏語支集合；600萬人講）。好多漢藏語言只使用喺偏僻山區嘅細社羣中，外界知曉佢哋嘅資訊好少。

法國學家沙加爾提出過漢藏語系同南島語系有發生學關係，哩個理論得到中國著名語言家邢公畹嘅認同。但現時漢藏語系同其他主要語系嘅關係仲未明確，呢啲跨語系嘅睇法未得廣泛認可。語系中好多細嘅下級分類群已經清楚確立，但呢啲細群之間更高級嘅關係構築仲未明瞭。雖然呢個系通常分成兩支，即漢同藏緬，但啲研究家未能確定非漢語嘅漢藏語嘅終極來源，而語系中唯有漢語嘅研究比較充分，同時成個語系嘅祖語擬構仲喺初步階段。(成篇文章……)

以前嘅正文：順化 – 劉賓雁 – 生命

歸檔 – 提名 – 全部72篇正文...

你知唔知...

...模推廣左向量空間嘅概念，喺代數幾何、表示理論同其他數學領域都好有用？
...科學哲學主張，一個諗法實要有可否證性先可以算係一個科學性嘅諗法？
...喺武漢肺炎大爆發兩年後，有啲國家開始採取同病毒共存政策？
...黎明為和記電訊拍攝嘅廣告喺1990年代去到2005年受到當時香港人廣泛廣注？
...葉劉淑儀喺推動香港基本法23條立法期間曾經發表引述希特拉靠民主選舉上台謠言，引起社會嘩然？
...海洋生物學唔淨只會研究住喺海入面嘅生物，仲會研究住喺海邊嘅生物？
...歐家梯田（圖）既係中國大陸十大最靚梯田之一，又係廣東省規模最大兼最原始生態嘅梯田？
...香港海洋公園水上樂園係亞洲第一個並且唯一一個全年365日、全天候開放嘅臨海水上樂園？

提名 – 歸檔 – 寫新文

是日靚畫

厄架園，係瑞典士多貢東北一個大公園。未係公園之前，係國王嘅打獵嘅地方。個園同思間慎公園一齊嘅。

圖片來自：Daviis
舊圖 - 更多正圖...

時人時事

成立咗48年嘅香港教育專業人員協會、成立咗19年嘅民間人權陣線、成立咗32年嘅香港市民支援愛國民主運動聯合會，以及成立咗31年嘅香港職工會聯盟，分別先後宣佈解散，當中簡稱支聯會嘅香港市民支援愛國民主運動聯合會更加被香港特別行政區行政會議指示公司註冊處將佢除名。
真子公主（圖）正式同佢嘅大學同學小室圭結婚，離開日本皇室。
蘇丹軍方發動政變，拉咗過渡政府總理阿卜杜拉·咸都，並鎮壓反政變示威，造成至少7死170人傷。
國際特赦組織表示港區國安法令佢哋無法安全工作，會喺今年年底之前撤出香港。
塞爾特人隊中鋒坎特話習近平係殘暴嘅統治者，並譴責中國喺西藏嘅文化滅絕，之後騰訊將有塞爾特人隊出場嘅賽事禁播。
一個美國醫生成功將豬腎移植到人身上，個腎可以正常運作。
英國保守黨嘅下議院議員顏敏時被刺殺，廿五歲疑兇被捕。
香港大學要求支聯會移走六四紀念雕塑「國殤之柱」。丹麥外交大臣向北京表示關注，認為以藝術和平表達意見係基本人權。

維基新聞^{（英｜中）} – 訃聞 – 更多時人時事…

是日好文

一個角色（Character，源自古希臘文「χαρακτήρ」，「kharaktēr」）係指一個故仔入面一個具有能力作出行動同決策嘅個體－一個角色可以係一個人，又或者係第啲有智能嘅非人類個體，後者嘅例子有常見於科幻故仔嘅有智慧機械人以及常見於奇幻故仔嘅高扁同精靈等類人生物。

歸檔 – 提名 – 全部正文 – 全部好文...

當年今日

11月1號：諸聖日

1512年：意大利文藝復興畫家米高安哲羅（圖）喺西斯丁禮拜堂畫好頂壁畫《創世紀》。
1520年：葡萄牙航海探險家麥哲倫支船隊經麥哲倫海峽由大西洋駛去太平洋。
1755年：葡萄牙里斯本附近嘅海底地震重引起海嘯，葡萄牙同摩洛哥死咗最少六萬人。
1928年：土耳其總統凱末爾實施土耳其字母改革，用而家29個字母取代奧斯曼帝國時期嘅奧斯曼土耳其語字母。
1952年：美國喺安尼威杜克群島試爆世界第一個氫彈 Ivy Mike。

上幾日：10月31號 – 10月30號 – 10月29號

舊文 – 更多當年今日

維基百科街坊

幫助櫃枱 — 問下點用維基百科。
詢問處 — 好似個圖書管理員。有唔同志願人士解答你各科疑難。
城市論壇 — 傾下維基百科本身嘅嘢，例如技術同方針。
社區大堂 — 維基百科唔同方面嘅壁佈板，計劃，資源，活動。
網站新聞 — 維基百科同維基基金會嘅宣佈，更新同新聞發佈。
本地大使館 — Tourists are most welcome to the embassy district of the Cantonese Wikipedia. You can find the ambassador for your language. And if you have any question, just ask.