Pagina principala
|
|
 Vos in vedrinaEl sistema de scrittura giappones modern a l'è ona combinazion de dò tipologij de caratter: i kanji logografegh, ch'hinn caratter ciappaa de la Cina e adattaa, e i kana sillabegh. I Kana a hinn duu sillabari different: el hiragana, doperaa soratutt per paroll nativ giappones, paroll naturalizzaa, o element grammategai coma inflession e particell, e 'l katakana, doperaa soratutt per paroll e nomm forest, paroll ciappaa di alter lengov, onomatopej, nomm scientifegh, e, ona quaj volta, per enfasi. Pressapoch tucc i fras del giappones scrivuu a hinn faa su tant de kanji coma de kana. Per questa varietàa de sistem de scrittura, insema cont el grand numer de caratter kanji, el sistema de scrittura giappones a l'è despess consideraa coma el pussee complegaa doperaa in del mond. I caratter kanji doperaa quotidianament a hinn pussee mijaja; ciaschedun el gh'ha on sò signifegaa intrinsegh (o ona serie de signifegaa), e la pupart la gh'ha pussee parnonzi, ch'hinn scernii segond el contest indova el caratter el se troeuva. I student di scoeur primari e secondari in Giappon gh'hann de imprend ona lista de caratter basegh, ciamada jōyō kanji (常用漢字), che in del 2010 la gh'eva denter 2.136 kanji. El numer total de kanji a l'è superior a 50.000, ma la pupart di giappones la cognoss pressapoch 4.000 o 5.000 caratter, on quajdun finn a 7.000 o 8.000. (Innanz)
 Te 'l savevet che ...El Gaspar Vimercaa (1410 circa - Milan, 4 de settember 1468) a l'è staa 'n condottiee e politegh milanes. Member de l'antiga familia di capitani di Vimercaa, l'è andaa in servizzi per el Ducaa de Milan finna de giovin e in di ultim guerr del Filipp Maria Vescont el guadagna 'me offizial la fiducia incondizionada del Franzesch Sforza. A la proclamazion de la Republega Ambrosiana, che la catta foeura el Sforza 'me sò condottiee, a l'è mandaa in la Bassa bergamasca e 'l se prodiga in la difesa de Carevasg, indova che 'l se destingh per la soa bravura in la tecnega de l'artilieria, indova che 'l riess a bloccà - in del 1448 - e a destrugà i difes del Marches de Mantoa. L'è elegiuu in tra i 24 defensor de la libertà de la Republega, el s'è mostraa finna de subit in tra i fautor de la nomena del Franzesch Sforza 'me Duca de Milan. In del 1450 a l'è in tra i organizzator de la Rivoeulta de Milan che, grazia a la pagura de avègh de sottamettès a la Republega de Venezia per soraviv, la permett de dervì i trattativ per fà tornà el Ducaa, guidaa del Sforza. (Va inanz)
 In di olter lengovI des Wikipedij pussee grand: Ingles, Svedes, Cebuan, Todesch, Olandes, Frances, Russ, Waray, Spagnoeu
Sotta 'l pont de s'ciff e s'ciaff
 On proverbi a cas
"A Milan, anca i muron fan l'uga" |
 Avvertenz
 WikipediaWikipedia l'è on'enciclopedia libera e portada innanz domà da di volontari. L'obiettiv l'è de portà la cognossenza libera a tucc e in pussee lengov possibil. I noster Cinch Pilaster hinn:
Ona vos da scriv
 Cossa se pò fà?
|
