Los Angeles
Los Angeles (on Spēonisce hāteþ Los Ángeles), þe mǣneþ on Englisce Engela Burg, is grēat burg on þǣm Geāndum Rīcum Ƿīnlandes. Hit is Californie mǣst burg æfter lēodrǣdenne, and hēo is sēo ōðru burg þāra Geāndena Rīca on lēodrǣdne æfter Nīƿum Eoforƿīce - æfter þǣre folctellunge þæs 2010. gēares ƿæs his lēodrǣden 3,792,621 lēoda. His landscipe is 469 fēoƿerscētra mīla brād.
Hit is sēo heorte þæs Māran Los Angeles Landscipes, þe hafaþ nēan 18 þūsenda þūsenda lēoda þȳ 2010. gēare, and for þǣm is se burglīca landscipe ān þāra mǣstena burglīcena landscipa þǣre ƿorulde æfter lēodrǣdne.
Se Spēonisca gȳmend Felipe de Neve staðolode Los Angeles on þǣm 4. dæge Hāligmōnðes þæs 1781. gēares. Hit ƿearþ dǣl Mexicƿes þȳ 1821. gēare æfter þǣm Mexiciscan Sealfƿealdes Ƿīge. Þæs 1848. gēares, æfter þǣm Ƿīge Merxicƿes and þāra Geāndena Rīca, bohton þā Geāndan Rīcu Los Angeles and ēac ealle Californie, þe ƿæs ƿæstm þǣre Fōreƿarde of Guadalupe Hidalgo.