Los Anjeles

Los Anjeles
Shahar
Gerb
34°02′0″N 118°16′0″W
Mamlakat	AQSh
Hukumat
• Mer	Eric Garcetti
Zichligi	3168 kishi/km2

Los Anjeles (Los Anjelos) (inglizcha: Los Angeles, ispancha: Los Ángeles, shuningdek, L.A. va City of Angels — Farishtalar shahri nomlari bilan mashhur) — Tinch okeani boʻyida joylashgan AQShning Kaliforniya shtatidagi shahar. Shtatning aholi soni boʻyicha eng yirik shahri, mamlakatda esa ikkinchi (2006-yilga aholi soni 3 849 378 ni tashkil etdi ). Los Anjelesda yashovchilarni „Angelenos“ deb ataydilar.

Shahar markazining koʻrinishi

Los-Anjeles — AQShning jan.gʻarbiy qismidagi shahar, Kaliforniya shtatida. Aholisi 3,6 mln. kishi (2000, shahar atrofi bilan 7 mln.dan ortiq). Shim.dan janubga tomon 80 km ga choʻzilgan. Mamlakat gʻarbidagi asosiy iqtisodiy, yetakchi sanoat va ilmiy markazlardan biri. Tinch okean sohilidagi ikkinchi muhim port (yillik yuk ortib-tushirish 25 mln. t). Transport yoʻllari tuguni. Aeroporti xalqaro ahamiyatga ega. Mamlakatning yirik aviaraketa sanoati markazi. Kosmik apparatlar ishlab chiqariladi. Radioelektronika (jumladan, EHM va asosan, harbiy maqsadlar uchun jihozlar ishlab chiqarish), priborsozlik, metallsozlik, avtomobilsozlik, kemasozlik sanoati korxonalari bor. Neftni kayta ishlash, metallurgiya, kimyo, poligrafiya, tikuvchilik, mebel, oziq-ovqat sanoati rivojlangan. Neft olinadi (sohilboʻyi qismida). Kinosanoat va videobiznesning asosiy markazi (Gollivud). Dengiz buyi iqlim kurorti. Turizm rivojlangan. 3 universitet (jumladan, Kaliforniya unti f-tlari, Jan. Kaliforniya universiteti) va boshqa oʻquv muassasalari bor. Shaqarga 1781 yil ispanlar tomonidan Yangi Ispaniya vitse-qirolligi tarkibidagi Meksika hududida asos solingan. Meksika mustaqillikka erishgach, Meksika davlati tarkibiga kirdi. Amerika—Meksika urushi davrida (1846—48) AQSH tomonidan egallab olindi.

Shahar qatʼiy reja asosida qurilgan. Zamonaviy meʼmoriy yodgorliklardan Benning-xaus (1911), Doj-xaus (1916), badiiy galereya, cherkov va boshqa binolar, muzeylar, rasadxona bor. Harbiy dengiz bazasi. L.-A.da 1932 yilda 10-Olimpiya, 1984 yilda 13-Olimpiya oʻyinlari boʻlib oʻtgan.