en historio
dum oktobro 50, 100 e 150 yari ante nun …
2 di oktobro 1971. La kosmosondilo Luna 19, lansita ye 28 septembro, eniris orbito cirkum la Luno. La skopo di ca misiono, parto de la projeto Luna di USSR, esis detaloze studiar la luno dum ke ol restis en orbito. Ol prenis panoramala imaji di montoza regiono, 30–60 gradi sude e 20–80 gradi este; ol anke studiis la formo di la lunala gravito-feldo, e la loki di koncentri di masi; ed ol mezuris la sunala vento. Pos plu kam 4000 orbiti, komuniki cesis ye 1 novembro 1972.
9 di oktobro 1921. En la Nacionala Teatro en Brno, l'orkestrala verko Taras Bulba da Leoš Janáček (1854–1928) esis unesmafoye pleata. Ca verko, quale altra de lua plu tarda kompozuri, havis literaturala fonto. Taras Bulba esis rakonto da Nikolai Gogol, publikigita en 1835, pri kozako Taras Bulba, kombinuro de plura historiala personi, e sua du filiuli. Janáček deskriptis sua verko kom rapsodio; en tri movimenti, tri epizodi de la rakonto deskriptesas.
11 di oktobro 1871. En Hisarlik, en la nord-westa di nuntempa Turkia, la komercisto ed amatora arkaeologo Heinrich Schliemann komencis exkavado, qua duris til 1873. Il deskovris la restaji di serio de anciena urbi, de la bronz-epoko til la Romana periodo. Kom rezultajo dil exkavado il konstatis ke ol esas la loko di Troya, l'anciena urbo ube eventas la epikajo la Iliado da Homero. Vers la fino di la projeto il deskovris ora ed arjenta objekti, e supozis ke li esis la Trezoro di Priamos, rejulo di Troya dum la Milito di Troya.
|
|
|
Kunlaborez! +/-
München, e la parko ube eventas Oktoberfest.
München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|