Economía

A Economía (d'o griego οἰκονομία (oikonomía) "alministrazión d'una casa") estudea os procesos de producción, consumo y distribución d'a riqueza en a sociedat humana. A economía ye a primer sciencia que estudea a satisfacción d'as necesidatz humanas por meyo de recursos escasos. A economía parte d'o prencipio de que os recursos naturals y os biens son limitaus, y que os individuos u sociedatz han de decidir entre diferents alternativas que s'excluyen mutuament. Por tanto, conoixer el proceso de triga en individuos u grupos ye una aspecto central d'a Economía. En cheneral, os economistas creyen que os incentivos y as preferencias particulars determinan mayoritariament o proceso de decisión.

Beluns d'os aspectos prencipals que tracta a Economía son o comercio, a destribución de recursos y a competencia. A economía se puede centrar en o estudeo d'a producción, a distribución y o consumo d'a riqueza, igual como d'os problemas relacionaus con a financiación, a fiscalidat, a man d'obra, a lei, a probreza, o medio ambient, ecetra.

A economía se divide normalment en dos brancas:

• Microeconomía, que estudea o comportament economico d'autors individuals como interpresas, familias y individuos, con l'obchectivo d'entender o proceso de presa de decisions debán d'a escaseza de recursos, y as conseqüencias d'istas decisions.
• Macroeconomía, que estudea una economia como un conchunto con a intención d'entender a interacción entre agregaus economicos como l'ingreso nacional, o treballo y a inflación.

Vinclos externos

• Se veigan as imáchens de Commons sobre a economía.