ឃុកឃី និងបច្ចេកវិទ្យាផ្ទុកផ្សេងទៀត
ឃុកឃីគឺជាផ្នែកតូចៗនៃអត្ថបទដែលត្រូវបានប្រើ ដើម្បីរក្សាទុកព័ត៌មាននៅលើបណ្តាញរុករកតាមអ៊ីនធឺណិត។ ឃុកឃីត្រូវបានប្រើប្រាស់ដើម្បីរក្សាទុក និងទទួលព័ត៌មានសម្គាល់ និងព័ត៌មានផ្សេងទៀតនៅលើកុំព្យូទ័រ ទូរសព្ទ និងឧបករណ៍ផ្សេងទៀត។ បច្ចេកវិទ្យាផ្សេងទៀត រួមទាំងទិន្នន័យដែលយើងរក្សាទុកនៅលើបណ្តាញរុករកតាមអ៊ីនធឺណិត ឬឧបករណ៍ ព័ត៌មានសម្គាល់ដែលទាក់ទងនឹងឧបករណ៍របស់អ្នក និងកម្មវិធីផ្សេងទៀតត្រូវបានប្រើប្រាស់ក្នុងគោលបំណងស្រដៀងៗគ្នា។ នៅក្នុងគោលការណ៍នេះ យើងសំដៅលើបច្ចេកវិទ្យាទាំងអស់នេះថាជា “ឃុកឃី”។យើងប្រើប្រាស់ឃុកឃី ប្រសិនបើអ្នកមានគណនី Facebook សូមប្រើ ផលិតផលរបស់ Facebook រួមទាំងគេហទំព័រ និងកម្មវិធីរបស់យើង ឬចូលមើលគេហទំព័រ និងកម្មវិធីផ្សេងទៀតដែលប្រើផលិតផលរបស់ Facebook (រាប់បញ្ចូលទាំងប៊ូតុង ”ចូលចិត្ត” ឬបច្ចេកវិទ្យា Facebook ផ្សេងទៀត)។ ឃុកឃីអាចបើកដំណើរការឱ្យ Facebook ផ្តល់ជូនផលិតផលរបស់ Facebook ដល់អ្នក និងយល់ដឹងអំពីព័ត៌មានដែលយើងទទួលអំពីអ្នក រួមទាំងព័ត៌មានអំពីការប្រើប្រាស់គេហទំព័រ និងកម្មវិធីផ្សេងទៀតរបស់អ្នក ទោះបីជាអ្នកបានចុះឈ្មោះ ឬចូលគណនីក៏ដោយ។
គោលការណ៍នេះពន្យល់ពីរបៀបដែលយើងប្រើប្រាស់ឃុកឃី និងជម្រើសនានាដែលអ្នកមាន។ លើកលែងតែត្រូវបានចែងផ្សេងពីគោលការណ៍នេះ គោលការណ៍ទិន្នន័យ នឹងអនុវត្តចំពោះដំណើរការទិន្នន័យរបស់យើងដែលយើងប្រមូលតាមរយៈឃុកឃី។
ហេតុអ្វីបានជាយើងប្រើប្រាស់ឃុកឃី?
ឃុកឃីជួយយើងផ្តល់ ការពារ និងកែលម្អផលិតផលរបស់ Facebook ដូចជាតាមរយៈការធ្វើឱ្យខ្លឹមសារស្របតាមបុគ្គល ការបង្កើត និងវាស់ស្ទង់ការផ្សាយពាណិជ្ជកម្ម និងផ្តល់បទពិសោធន៍ប្រើប្រាស់ដែលមានសុវត្ថិភាពជាងមុន។ ឃុកឃីដែលយើងប្រើប្រាស់រួមមានឃុកឃីតាមសម័យ ដែលត្រូវបានលុបនៅពេលអ្នកបិទកម្មវិធីរុករករបស់អ្នក និងឃុកឃីជាប់លាប់ ដែលស្ថិតនៅលើកម្មវិធីរុករករបស់អ្នករហូតទាល់តែកម្មវិធីនោះអស់សុពលភាព ឬអ្នកលុបកម្មវិធីនោះចោល។ នៅពេលឃុកឃីដែលយើងប្រើប្រាស់អាចផ្លាស់ប្តូរពីមួយពេលទៅមួយដោយសារតែយើងកែលម្អ និងធ្វើបច្ចុប្បន្នភាពផលិតផលរបស់ Facebook នោះយើងប្រើវាក្នុងគោលបំណងដូចខាងក្រោម៖ការផ្ទៀងផ្ទាត់
យើងប្រើប្រាស់ឃុកឃីដើម្បីផ្ទៀងផ្ទាត់គណនីរបស់អ្នក និងកំណត់ពីពេលវេលាដែលអ្នកចូលគណនី ដើម្បីឱ្យយើងអាចផ្តល់ភាពងាយស្រួលដល់អ្នកក្នុងការចូលប្រើប្រាស់ផលិតផលរបស់ Facebook និងបង្ហាញបទពិសោធន៍ប្រើប្រាស់ និងលក្ខណៈពិសេសៗដែលសមស្របដល់អ្នក។ឧទាហរណ៍៖ យើងប្រើប្រាស់ឃុកឃីដើម្បីឱ្យអ្នកចូលគណនីនៅពេលអ្នកបើកមើលរវាងទំព័រ Facebook។ ឃុកឃីក៏ជួយយើងឱ្យចងចាំកម្មវិធីរុករករបស់អ្នកផងដែរ ដូច្នេះអ្នកមិនចាំបាច់បន្តចូលគណនី Facebook ទេ ហើយអ្នកអាចចូលគណនី Facebook កាន់តែងាយស្រួលជាងមុនតាមរយៈកម្មវិធី និងគេហទំព័រនានារបស់ភាគីទីបី។ ឧទាហរណ៍ យើងប្រើប្រាស់ឃុកឃី ‘c_user’ និង ‘xs’ សម្រាប់គោលបំណងនេះ ដោយមានអាយុកាល 365 ថ្ងៃ។
សន្តិសុខ បណ្តាញ និងភាពត្រឹមត្រូវរបស់ផលិតផល
យើងប្រើប្រាស់ឃុកឃីដើម្បីជួយយើងរក្សាគណនី ទិន្នន័យ និងផលិតផលរបស់ Facebook ប្រកបដោយសុវត្ថិភាព និងសន្តិសុខ។ ឧទាហរណ៍៖ ឃុកឃីអាចជួយយើងកំណត់ និងដាក់វិធានការសន្តិសុខបន្ថែមនៅពេលដែលមាននរណាម្នាក់ប៉ុនប៉ងចូលប្រើគណនី Facebook ដោយគ្មានការអនុញ្ញាត ឧទាហរណ៍ការទាយលេខសម្ងាត់ខុសៗគ្នាយ៉ាងឆាប់រហ័ស។ យើងក៏ប្រើប្រាស់ឃុកឃីដើម្បីរក្សាទុកព័ត៌មានដែលអនុញ្ញាតឱ្យយើងស្តារគណនីរបស់អ្នកឡើងវិញក្នុងករណីដែលអ្នកភ្លេចពាក្យសម្ងាត់របស់អ្នក ឬទាមទារការផ្ទៀងផ្ទាត់បន្ថែម ប្រសិនបើអ្នកប្រាប់យើងថាគណនីរបស់អ្នកត្រូវបានគេលួចចូល។ ឧទាហរណ៍ នេះរាប់បញ្ចូលទាំងឃុកឃី ‘sb’ និង ‘dbln’ របស់យើងដែលអាចឱ្យយើងកំណត់អត្តសញ្ញាណកម្មវិធីរុករករបស់អ្នកដោយសុវត្ថិភាព។យើងក៏ប្រើប្រាស់ឃុកឃីដើម្បីប្រឆាំងនឹងសកម្មភាពដែលបំពានលើគោលការណ៍នានារបស់យើង ឬបើមិនដូច្នេះទេអាចបំផ្លាញសមត្ថភាពរបស់យើងក្នុងការផ្តល់នូវផលិតផលរបស់ Facebook។
ឧទាហរណ៍៖ ឃុកឃីជួយយើងប្រឆាំងនឹងសារឥតបានការ និងការឆបោកតាមរយៈការធ្វើឱ្យយើងអាចកំណត់អត្តសញ្ញាណតាមកុំព្យូទ័រ ដែលត្រូវបានប្រើប្រាស់ដើម្បីបង្កើតគណនី Facebook ក្លែងក្លាយមួយចំនួនធំ។ យើងក៏ប្រើប្រាស់ឃុកឃីដើម្បីរកកុំព្យូទ័រដែលឆ្លងមេរោគ និងចាត់វិធានការដើម្បីការពារពួកគេពីការបង្កគ្រោះថ្នាក់ថែមទៀត។ ឧទាហរណ៍ ឃុកឃី ‘csrf’ របស់យើងជួយយើងការពារការវាយប្រហារពីការលួចចម្លងគេហទំព័រ។ ឃុកឃីក៏ជួយយើងការពារអ្នកប្រើប្រាស់ដែលមិនគ្រប់អាយុផងដែរពីការចុះឈ្មោះសម្រាប់គណនី Facebook។
ការផ្សាយពាណិជ្ជកម្ម ការផ្តល់អនុសាសន៍ ការយល់ ដឹងនិងការវាស់វែង
យើងប្រើប្រាស់ឃុកឃីដើម្បីជួយយើងបង្ហាញការផ្សាយពាណិជ្ជកម្ម និងផ្តល់អនុសាសន៍សម្រាប់អាជីវកម្មនានា និងស្ថាប័នដទៃទៀតដល់មនុស្សដែលអាចចាប់អារម្មណ៍ផលិតផលសេវាកម្ម ឬបុព្វហេតុដែលពួកគេផ្សព្វផ្សាយ។ ឧទាហរណ៍៖ ឃុកឃីអនុញ្ញាតឱ្យយើងជួយផ្សព្វផ្សាយពាណិជ្ជកម្មដល់អ្នកដែលធ្លាប់ចូលមើលគេហទំព័រអាជីវកម្ម ទិញផលិតផលរបស់ខ្លួន ឬប្រើប្រាស់កម្មវិធីរបស់ខ្លួន និងណែនាំផលិតផល និងសេវាកម្មផ្អែកលើសកម្មភាពនោះ។ ឃុកឃីក៏អនុញ្ញាតឱ្យយើងកំណត់ចំនួនដងដែលអ្នកឃើញពាណិជ្ជកម្ម ដូច្នេះអ្នកនឹងមិនឃើញពាណិជ្ជកម្មដដែលៗទេ។ ឧទាហរណ៍ ឃុកឃី ‘fr’ ត្រូវបានប្រើដើម្បីចែកចាយ វាស់វែង និងកែលម្អភាពពាក់ព័ន្ធនៃការផ្សាយពាណិជ្ជកម្មដោយមានអាយុកាល 90 ថ្ងៃ។យើងក៏ប្រើប្រាស់ឃុកឃីដើម្បីជួយវាស់ស្ទង់លទ្ធផលនៃយុទ្ធនាការផ្សព្វផ្សាយសម្រាប់អាជីវកម្មដែលប្រើប្រាស់ផលិតផលរបស់ Facebook ផងដែរ។
ឧទាហរណ៍៖ យើងប្រើប្រាស់ឃុកឃីដើម្បីរាប់ចំនួនដងដែលការផ្សាយពាណិជ្ជកម្មត្រូវបានបង្ហាញ និងដើម្បីគណនាថ្លៃដើមនៃការផ្សាយពាណិជ្ជកម្មទាំងនោះ។ យើងក៏ប្រើប្រាស់ឃុកឃីផងដែរដើម្បីវាស់វែងពីភាពញឹកញាប់ដែលអ្នកប្រើប្រាស់ធ្វើដូចជាការទិញតាមរយៈចំណាប់អារម្មណ៍ពាណិជ្ជកម្ម។ ឃុកឃី ‘_fbp’ កំណត់កម្មវិធីរុករកក្នុងគោលបំណងផ្តល់សេវាកម្មផ្សព្វផ្សាយ និងវិភាគគេហទំព័រ និងមានអាយុកាល 90 ថ្ងៃ។ .ឃុកឃីជួយយើងបម្រើសេវា និងវាស់វែងការផ្សាយពាណិជ្ជកម្មនៅលើកម្មវិធីរុករក និងឧបករណ៍ផ្សេងៗគ្នាដែលប្រើដោយមនុស្សតែម្នាក់។
ឧទាហរណ៍៖ យើងអាចប្រើប្រាស់ឃុកឃីដើម្បីការពារអ្នកពីការមើលឃើញការផ្សាយពាណិជ្ជកម្មដដែលៗលើឧបករណ៍ផ្សេងៗគ្នាដែលអ្នកប្រើ។ឃុកឃីក៏អនុញ្ញាតឱ្យយើងផ្តល់ការយល់ដឹងអំពីអ្នកដែលប្រើប្រាស់ផលិតផលរបស់ Facebook ក៏ដូចជាមនុស្សដែលមានទំនាក់ទំនងជាមួយការផ្សាយពាណិជ្ជកម្ម គេហទំព័រ និងកម្មវិធីរបស់អ្នកផ្សាយពាណិជ្ជកម្មរបស់យើង និងអាជីវកម្មដែលប្រើប្រាស់ផលិតផលរបស់ Facebook។
ឧទាហរណ៍៖ យើងប្រើប្រាស់ឃុកឃីដើម្បីជួយអាជីវកម្មឱ្យយល់ពីប្រភេទអ្នកប្រើប្រាស់ដែលចូលចិត្តទំព័រ Facebook របស់ពួកគេ ឬប្រើកម្មវិធីរបស់ពួកគេ ដើម្បីឱ្យពួកគេអាចផ្តល់ខ្លឹមសារដែលពាក់ព័ន្ធ និងអភិវឌ្ឍលក្ខណៈពិសេសដែលគួរឱ្យចាប់អារម្មណ៍ដល់អតិថិជនរបស់ពួកគេ។យើងក៏ប្រើប្រាស់ឃុកឃីផងដែរដូចជាឃុកឃី ‘oo’ របស់យើងដែលមានអាយុកាលប្រាំឆ្នាំ ដើម្បីជួយអ្នកក្នុងការបដិសេធការមើលការផ្សាយពាណិជ្ជកម្មពី Facebook ផ្អែកលើសកម្មភាពរបស់អ្នកនៅលើគេហទំព័រភាគីទីបី។ ស្វែងយល់បន្ថែម អំពីព័ត៌មានដែលយើងទទួល របៀបដែលយើងសម្រេចចិត្តថាតើការផ្សាយពាណិជ្ជកម្មណាមួយដែលត្រូវបង្ហាញអ្នក និងមិនបង្ហាញផលិតផលរបស់ Facebook និងការគ្រប់គ្រងដែលមានសម្រាប់អ្នក។
លក្ខណៈពិសេស និងសេវាកម្មគេហទំព័រ
យើងប្រើប្រាស់ឃុកឃីដើម្បីដំណើរការមុខងារដែលជួយយើងក្នុងការផ្តល់ផលិតផលរបស់ Facebook។ ឧទាហរណ៍៖ ឃុកឃីជួយយើងរក្សាទុកចំណង់ចំណូលចិត្ត ដឹងនៅពេលដែលអ្នកបានឃើញឬធ្វើអន្តរកម្មជាមួយខ្លឹមសារផលិតផលរបស់ Facebook និងផ្តល់ឱ្យអ្នកនូវខ្លឹមសារ និងបទពិសោធន៍ដែលអ្នកពេញចិត្ត។ ឧទាហរណ៍ឃុកឃីអនុញ្ញាតឱ្យយើងផ្តល់យោបល់ដល់អ្នក និងអ្នកដទៃ ហើយប្តូរខ្លឹមសារនៅលើគេហទំព័រភាគីទីបីដែលរួមបញ្ចូលកម្មវិធីជំនួយសង្គមរបស់យើង។ ប្រសិនបើអ្នកជាអ្នកគ្រប់គ្រងទំព័រឃុកឃីអនុញ្ញាតឱ្យអ្នកផ្លាស់ប្តូររវាងការបង្ហោះពីគណនី Facebook ផ្ទាល់ខ្លួនរបស់អ្នក និងទំព័រ។ យើងប្រើប្រាស់ឃុកឃីដូចជាឃុកឃីផ្អែកតាមសម័យ ‘presence’ ដើម្បីគាំទ្រការប្រើប្រាស់វិនដូជជែកតាមកម្មវិធី Messenger។យើងក៏ប្រើប្រាស់ឃុកឃីដើម្បីជួយផ្តល់ជូនខ្លឹមសារដល់អ្នក ដែលទាក់ទងនឹងមូលដ្ឋានរបស់អ្នកផងដែរ។
ឧទាហរណ៍៖ យើងរក្សាទុកព័ត៌មាននៅក្នុងឃុកឃីដែលដាក់នៅលើកម្មវិធីរុករក ឬឧបករណ៍របស់អ្នក ដូច្នេះអ្នកនឹងឃើញគេហទំព័រជាភាសាដែលអ្នកចង់បាន។
លទ្ធផលប្រតិបត្តិការ
យើងប្រើប្រាស់ឃុកឃីដើម្បីផ្តល់ជូនអ្នកនូវបទពិសោធន៍ប្រើប្រាស់ល្អបំផុត។ឧទាហរណ៍៖ ឃុកឃីជួយយើងឱ្យធ្វើចរាចរណ៍ចន្លោះម៉ាស៊ីនមេ និងយល់ដឹងថាតើផលិតផលរបស់ Facebook ផ្ទុកបានលឿនកម្រិតណាសម្រាប់អ្នកប្រើប្រាស់ខុសគ្នា។ ឃុកឃីក៏ជួយយើងកត់ត្រាសមាមាត្រ និងវិមាត្រនៃអេក្រង់ និងវិនដូរបស់អ្នកផងដែរ និងដឹងថាតើអ្នកបានបើកមុខងារភាពផ្ទុយគ្នាខ្ពស់ឬអត់ ដើម្បីឱ្យយើងអាចបង្ហាញគេហទំព័រ និងកម្មវិធីរបស់យើងបានត្រឹមត្រូវ។ ឧទាហរណ៍ យើងកំណត់ឃុកឃី ‘dpr’ និង ‘wd’ ដែលឃុកឃីនីមួយៗមានអាយុកាល 7 ថ្ងៃ ដើម្បីផ្តល់នូវបទពិសោធន៍ប្រើប្រាស់ដ៏ប្រសើរបំផុតសម្រាប់អេក្រង់របស់ឧបករណ៍អ្នក។
ការវិភាគ និងស្រាវជ្រាវ
យើងប្រើប្រាស់ឃុកឃី ដើម្បីយល់កាន់តែច្បាស់អំពីរបៀបដែលមនុស្សប្រើប្រាស់ផលិតផលរបស់ Facebook ដើម្បីឱ្យយើងអាចកែលម្អពួកគេបាន។ឧទាហរណ៍៖ ឃុកឃីអាចជួយឱ្យយើងយល់ពីរបៀបដែលមនុស្សប្រើប្រាស់សេវាកម្ម Facebook វិភាគថាតើផ្នែកណាមួយនៃផលិតផលរបស់ Facebook ដែលអ្នកប្រើប្រាស់រកឃើញថាមានប្រយោជន៍ និងចូលរួម ហើយកំណត់លក្ខណៈពិសេសដែលអាចកែលម្អបាន។
ការវិភាគ Google
យើងក៏កំណត់ឃុកឃីពីដែន Facebook.com ដែលធ្វើការជាមួយសេវាកម្មវិភាគ Google ដើម្បីជួយយើងឱ្យល់ពីរបៀបដែលអាជីវកម្មប្រើគេហទំព័រអភិវឌ្ឍន៍របស់ Facebook។ ឃុកឃីទាំងនេះមានឈ្មោះដូចជា __utma, __utmb, __utmc, __utmz, __qca and _ga។ គេហទំព័រ និងកម្មវិធីភាគីទីបី
ដៃគូអាជីវកម្មរបស់យើងក៏អាចជ្រើសរើសដើម្បីចែករំលែកព័ត៌មានជាមួយ Facebook ពីឃុកឃីដែលបានកំណត់នៅក្នុងដែនគេហទំព័ររបស់ពួកគេផ្ទាល់ផងដែរ ទោះបីជាអ្នកមានគណនី Facebook ឬចូលគណនីក៏ដោយ។ ជាពិសេស ឃុកឃីដែលមានឈ្មោះថា _fbc ឬ _fbp អាចត្រូវបានកំណត់នៅលើដែនរបស់ដៃគូអាជីវកម្ម Facebook ជាគេហទំព័រដែលអ្នកកំពុងចូលមើល។ មិនដូចឃុកឃីដែលត្រូវបានកំណត់នៅលើដែនផ្ទាល់ខ្លួនរបស់ Facebook ឡើយ ឃុកឃីទាំងនេះមិនអាចចូលដំណើរការបានដោយ Facebook ទេនៅពេលដែលអ្នកនៅលើគេហទំព័រក្រៅពីកន្លែងដែលបានកំណត់រាប់បញ្ចូលទាំងពេលដែលអ្នកនៅលើដែនរបស់យើងផងដែរ។ ពួកគេបម្រើគោលបំណងដូចគ្នានឹងឃុកឃីដែលបានកំណត់នៅក្នុងដែនផ្ទាល់ខ្លួនរបស់ Facebook ដែលមានគោលបំណងផ្ទាល់ខ្លួន (រួមទាំងការផ្សាយពាណិជ្ជកម្ម) វាស់ពាណិជ្ជកម្ម បង្កើតការវិភាគ និងផ្តល់នូវបទពិសោធន៍ប្រើប្រាស់ដែលមានសុវត្ថិភាពជាងមុន ដូចមានចែងនៅក្នុងគោលការណ៍ឃុកឃី។ តើយើងប្រើប្រាស់ឃុកឃីនៅទីណា?
យើងអាចដាក់ឃុកឃីនៅលើកុំព្យូទ័រ ឬឧបករណ៍របស់អ្នក ហើយទទួលបានព័ត៌មានដែលផ្ទុកនៅក្នុងឃុកឃីនៅពេលដែលអ្នកប្រើឬចូលទៅកាន់៖- ផលិតផលដែលផ្តល់ដោយសមាជិកផ្សេងទៀតនៃក្រុមហ៊ុន Facebook និង
- គេហទំព័រ និងកម្មវិធីដែលផ្តល់ដោយក្រុមហ៊ុនផ្សេងទៀតដែលប្រើផលិតផលរបស់ Facebook រួមទាំងក្រុមហ៊ុនដែលបញ្ចូលបច្ចេកវិទ្យា Facebook ចូលក្នុងគេហទំព័រ និងកម្មវិធីរបស់ពួកគេ។ Facebook ប្រើប្រាស់ឃុកឃី និងទទួលព័ត៌មាននៅពេលអ្នកចូលទៅកាន់គេហទំព័រ និងកម្មវិធីទាំងនោះ ដែលរួមមាន ព័ត៌មានអំពីឧបករណ៍ និងព័ត៌មានអំពីសកម្មភាពរបស់អ្នក ដោយមិនមានសកម្មភាពអ្វីបន្ថែមពីអ្នកនោះទេ។ បញ្ហានេះកើតឡើងទោះបីអ្នកមានគណនី Facebook ឬចូលគណនីក៏ដោយ។
តើភាគីផ្សេងទៀតប្រើប្រាស់ឃុកឃីទាក់ទងនឹងផលិតផលរបស់ Facebook ដែរឬទេ?
ត្រូវហើយ ភាគីផ្សេងទៀតអាចប្រើប្រាស់ឃុកឃីនៅលើផលិតផលរបស់ Facebook ដើម្បីផ្តល់សេវាកម្មដល់យើង និងអាជីវកម្មដែលផ្សាយពាណិជ្ជកម្មនៅលើ Facebook។ឧទាហរណ៍ ដៃគូវាស់វែងរបស់យើងប្រើប្រាស់ឃុកឃីនៅលើផលិតផលរបស់ Facebook ដើម្បីជួយអ្នកផ្សាយពាណិជ្ជកម្មឱ្យយល់ពីប្រសិទ្ធភាពនៃយុទ្ធនាការផ្សព្វផ្សាយតាម Facebook របស់ពួកគេ និងដើម្បីប្រៀបធៀបលទ្ធផលប្រតិបត្តិនៃយុទ្ធនាការទាំងនោះទៅនឹងការផ្សាយពាណិជ្ជកម្មដែលបង្ហាញនៅលើគេហទំព័រ និងកម្មវិធីផ្សេងទៀត។ ស្វែងយល់បន្ថែម អំពីក្រុមហ៊ុនដែលប្រើប្រាស់ឃុកឃីនៅលើផលិតផលរបស់ Facebook។
ភាគីទីបីក៏ប្រើប្រាស់ឃុកឃីនៅលើគេហទំព័រ និងកម្មវិធីផ្ទាល់ខ្លួនរបស់ពួកគេទាក់ទងនឹងផលិតផលរបស់ Facebook ផងដែរ។ ដើម្បីយល់ពីរបៀបដែលភាគីផ្សេងទៀតប្រើប្រាស់ឃុកឃី សូមពិនិត្យមើលគោលការណ៍របស់ពួកគេ។
តើអ្នកអាចគ្រប់គ្រងការប្រើប្រាស់ឃុកឃីរបស់ Facebook ដោយរបៀបណា?
យើងប្រើប្រាស់ឃុកឃីដើម្បីជួយកំណត់តាមបំណង និងកែលម្អខ្លឹមសារ និងសេវាកម្មនានា ផ្តល់បទពិសោធន៍ប្រើប្រាស់ដែលមានសុវត្ថិភាពជាងមុន និងបង្ហាញអ្នកអំពីការផ្សាយពាណិជ្ជកម្មដែលមានប្រយោជន៍ និងពាក់ព័ន្ធនៅលើ និងក្រៅ Facebook។ អ្នកអាចគ្រប់គ្រងរបៀបដែលយើងប្រើទិន្នន័យដើម្បីបង្ហាញអ្នកអំពីការផ្សព្វផ្សាយ និងច្រើនទៀត ដោយប្រើឧបករណ៍ដែលបានពណ៌នាខាងក្រោម។ប្រសិនបើអ្នកមានគណនី Facebook៖
- អ្នកអាចប្រើ ចំណូលចិត្តការផ្សាយពាណិជ្ជកម្មរបស់អ្នក ដើម្បីស្វែងយល់ពីមូលហេតុដែលអ្នកឃើញពាណិជ្ជកម្មជាក់លាក់មួយ និងគ្រប់គ្រងរបៀបដែលយើងប្រើព័ត៌មានដែលយើងប្រមូល ដើម្បីបង្ហាញអ្នកអំពីការផ្សាយពាណិជ្ជកម្ម។
- ដើម្បីបង្ហាញអ្នកអំពីការផ្សាយពាណិជ្ជកម្មប្រសើរជាងមុន យើងប្រើទិន្នន័យដែលអ្នកផ្សាយពាណិជ្ជកម្ម និងដៃគូដទៃទៀតផ្តល់ឱ្យយើងអំពីសកម្មភាពរបស់អ្នកនៅលើផលិតផលរបស់ក្រុមហ៊ុន Facebook រួមទាំងគេហទំព័រ និងកម្មវិធីនានា។ អ្នកអាចត្រួតពិនិត្យថាតើយើងប្រើទិន្នន័យនេះដើម្បីបង្ហាញពាណិជ្ជកម្មដល់អ្នកក្នុង ការកំណត់ពាណិជ្ជកម្ម របស់អ្នកដែរឬទេ។
- បណ្តាញទស្សនិកជន Facebook គឺជាមធ្យោបាយមួយសម្រាប់អ្នកផ្សាយពាណិជ្ជកម្ម ដើម្បីបង្ហាញការផ្សាយពាណិជ្ជកម្មដល់អ្នកនៅក្នុងកម្មវិធី និងគេហទំព័រក្រៅពី ផលិតផលរបស់ក្រុមហ៊ុន Facebook។ វិធីមួយក្នុងចំណោមបណ្តាញទស្សនិកជនបង្ហាញការផ្សាយពាណិជ្ជកម្មដែលពាក់ព័ន្ធ គឺដោយប្រើការនិយមផ្សាយពាណិជ្ជកម្មរបស់អ្នក ដើម្បីកំណត់ថាតើការផ្សាយពាណិជ្ជកម្មណាដែលអ្នកចាប់អារម្មណ៍ចង់ឃើញ។ អ្នកអាចគ្រប់គ្រងវានៅក្នុង ការកំណត់ពាណិជ្ជកម្ម របស់អ្នក។
- អ្នកអាចពិនិត្យមើលសកម្មភាពក្រៅ Facebook របស់អ្នកដែលជាការសង្ខេបអំពីសកម្មភាពដែលអាជីវកម្ម និងស្ថាប័នចែករំលែកជាមួយយើងអំពីអន្តរកម្មរបស់អ្នកជាមួយពួកគេ ដូចជាការចូលទៅកាន់កម្មវិធី ឬគេហទំព័រនានារបស់ពួកគេជាដើម។ ពួកគេប្រើប្រាស់ ឧបករណ៍អាជីវកម្ម របស់យើងដូចជា ភីកសែល Facebook ដើម្បីចែករំលែកព័ត៌មាននេះជាមួយយើង។ ការធ្វើបែបនេះជួយយើងឱ្យធ្វើអ្វីៗដូចជា ផ្តល់ឱ្យអ្នកនូវបទពិសោធន៍ផ្ទាល់ខ្លួននៅលើ Facebook។ ស្វែងយល់បន្ថែម អំពីសកម្មភាពក្រៅ Facebook របៀបដែលយើងប្រើប្រាស់វា និងរបៀបដែលអ្នកអាចគ្រប់គ្រងវាបាន។
អ្នករាល់គ្នា៖
អ្នកអាចជ្រើសយកការមើលការផ្សាយពាណិជ្ជកម្មផ្អែកលើចំណាប់អារម្មណ៍លើអ៊ីនធឺណិតពី Facebook និងក្រុមហ៊ុនដែលចូលរួមដទៃទៀតតាមរយៈ សម្ព័ន្ធពាណិជ្ជកម្មឌីជីថល នៅសហរដ្ឋអាមេរិក សម្ព័ន្ធពាណិជ្ជកម្មឌីជីថលកាណាដា នៅកាណាដា ឬសម្ព័ន្ធពាណិជ្ជកម្មឌីជីថលអន្តរកម្មរបស់អឺរ៉ុប នៅអឺរ៉ុប ឬតាមរយៈការកំណត់ឧបករណ៍ចល័តរបស់អ្នក ដែលអាចប្រើបានដោយប្រើប្រាស់ប្រព័ន្ធប្រតិបត្តិការ Android, iOS 13 ឬកំណែ iOS មុន។ សូមកត់សម្គាល់ថា កម្មវិធីទប់ស្កាត់ការផ្សាយពាណិជ្ជកម្ម និងឧបករណ៍ដែលមានការរឹតបន្តឹង ការប្រើប្រាស់ឃុកឃីរបស់យើងអាចរំខានដល់ការគ្រប់គ្រងទាំងនេះ។ ព័ត៌មានបន្ថែមអំពីការផ្សាយពាណិជ្ជកម្មតាមអ៊ីនធឺណិត៖
ក្រុមហ៊ុនផ្សាយពាណិជ្ជកម្មដែលយើងធ្វើការជាមួយ ជាទូទៅប្រើប្រាស់ឃុកឃី និងបច្ចេកវិទ្យាស្រដៀងគ្នាដែលជាផ្នែកមួយនៃសេវាកម្មរបស់ពួកគេ។ ដើម្បីស្វែងយល់បន្ថែមអំពីរបៀបដែលអ្នកផ្សាយពាណិជ្ជកម្មជាទូទៅប្រើប្រាស់ឃុកឃី និងជម្រើសរបស់ពួកគេ អ្នកអាចពិនិត្យមើលធនធានខាងក្រោមនេះ៖ ការគ្រប់គ្រងឃុកឃីកម្មវិធីរុករក៖
លើសពីនេះ កម្មវិធីរុករក ឬឧបករណ៍របស់អ្នកអាចផ្តល់ជូននូវការកំណត់ដែលអនុញ្ញាតឱ្យអ្នកជ្រើសរើសថាតើឃុកឃីកម្មវិធីរុករកត្រូវបានកំណត់ និងលុបវាចោលឬអត់។ ការត្រួតពិនិត្យទាំងនេះខុសគ្នាតាមកម្មវិធីរុករក ហើយក្រុមហ៊ុនផលិតអាចផ្លាស់ប្តូរទាំងការកំណត់ដែលពួកគេធ្វើឱ្យមាន និងរបៀបដែលពួកគេធ្វើការនៅពេលណាក៏បាន។ គិតត្រឹមថ្ងៃទី 5 ខែតុលា ឆ្នាំ 2020 អ្នកអាចស្វែងរកព័ត៌មានបន្ថែមអំពីការត្រួតពិនិត្យដែលផ្តល់ដោយកម្មវិធីរុករកពេញនិយមនៅតំណខាងក្រោម។ ផ្នែកខ្លះនៃផលិតផលរបស់ Facebook អាចនឹងមិនដំណើរការបានត្រឹមត្រូវទេ ប្រសិនបើអ្នកបានបិទការប្រើប្រាស់ឃុកឃីរបស់កម្មវិធីរុករក។ សូមជ្រាបថាឧបករណ៍បញ្ជាទាំងនេះខុសពីឧបករណ៍បញ្ជាដែល Facebook ផ្តល់ជូនអ្នក។ កាលបរិច្ឆេទនៃការពិនិត្យមើលចុងក្រោយ៖ ថ្ងៃទី 5 ខែតុលា ឆ្នាំ 2020
