Vicipaedia:Nuntii
Jump to navigation
Jump to search
Nuntii[fontem recensere]
- 1 Octobris: Michael Saakašvili, Georgiae praeses pristinus et Odessae gubernator, in patriam, ubi octo annos afuerat, revertit et sine ulla mora in carcerem inclusus est.
- 27 Septembris: In comitiis ad legatos Dietae foederalis Germaniae eligendos Factio socialis democratica primum locum nacta est, Unio autem democratica Christiana secundum; Unioni haec labes est inopinata.
- 23 Septembris: Sergius Sarapul'tsev, praeses collegii sceleribus investigandis Permiae, ubi tribus diebus ante studiosus universitatis caedem fecerat, sex homines necans, pluresque quam quadraginta vulnerans, causis non satis claris se interfecit.
- 5 Septembris: In Guinea seditio contra regimen praesidis Alpha Condé praefecto Mamady Doumbouya ducente perfecta est.
- 15 Augusti: Cabura Afganiae caput iterum a militibus Taliban capta est.
- 14 Augusti: Terrae motus magnitudinis 7.2 Haitiam percutiens saltem 1419 homines necavit.
- 11 Iulii: Turma Pediludica Nationalis Italica Londinii Certamen Europaeum Pediludii vicit.
- 7 Iulii: Jovenel Moïse, praeses Haitiae, domi in Portu Principis necatus est.
- 18 Iunii: Abraham Raissi novus praeses Iraniae electus est. 62 % electorum ei suffragati sunt.
- 24 Maii: Gulielmus Lasso praeses Aequatoriae factus est.
- 28 Aprilis: Michael Collins, astronauta missioni Apollini 11 pristini, primae navigationis ad lunam, mortuus est.
- 24 Aprilis: Plus quam unum miliardum (1 002 000) hominum in toto orbe terrarum nunc contra virus SARS-CoV-2 vaccinati sunt.
Nota bene[fontem recensere]
Oportet nuntios unum vel duos recentissimos semper in formulam Vicipaedia:Pagina prima/Nuntii inserere: qui in pagina prima videbuntur.
Oportet nuntios etiam in paginam anni (e. g. in paginam 2021) inserere.