Universidat
A Universidat (d'o latín universitas, -atis) ye un establimiento u conchunto d'unidatz educacionals adedicatas a l'amostranza superior y a investigación. A universidat atorga graus academicos y tetulos profesionals.
Historia[editar | modificar o codigo]
Se creyan en l'Edat Meya europea. A primera institución d'ista mena ye a Universidat de Bolonia, que fará posteriorment de modelo ta centros educativos pareixitos. Por anyadienza s'emplega ta nombrar. en atras culturas, a centros d'amostranza y reflexión superiors, anque a suya creyación pueda estar muito anterior a la Edat Meya.
Inicialment evolucionoron dende o modelo d'as corporacions artesanals y como quasi tot en a Edat Meya, yeran muy ligada a la Ilesia. Inicialment, s'impartiban as ditas siete artes liberals (o trivium y lo quadrivium):
- Trivium: gramatica, lochica y retorica.
- Quadrivium: aritmetica, cheometría, astronomía y musica.
d'o qual proceden os estallos actuals entre disciplinas literarias y scientificas.
Organización[editar | modificar o codigo]
Internament, una universidat gosa trestallar-se cheograficament en quantos campus, cadaguno en un puesto diferent. Aintro de cada campus bi ha quantas facultatz y escuelas universitarias (mayoritariament adedicatas a la docencia), y tamién laboratorios, departamentos y institutos d'investigación, que pueden compartir una serie d'infraestructuras (biblioteca, salas d'estudeo, chimnasio...). En cada facultat u escuela s'imparten una u quantas carreras universitarias.
O maximo representant d'una universidat ye o rector, que riche a universidat con l'aduya de l'equipe de vice-rectors y atros organos: chunta de gubierno, consello social, ecetra.