Quebec (provinsiya)

Vikipediya, ochiq ensiklopediya
Jump to navigation Jump to search

KvebekKanadaning sharqiy qismidagi provinsiya. Mayd. 1540,7 ming km2. Aholisi 7,4 mln.kishi (2001), asosan, kanadalik fransuzlar. Maʼmuriy markazi — Kvebek sh., eng katta shahri — Montreal. K.ning koʻp qismi Labrador ya.o.da joylashgan, jan.da Appalachi togʻlarining tarmoqlari (bal. 1311 m gacha) joylashgan, San-Lavrentiy dare vodiysi pasttekislikdan iborat. K.ning shim. tundra, oʻrta va jan. kismi oʻrmon. Yanvarning oʻrtacha temperaturasi shim. da —24° dan jan.da —10° gacha, iyulniki 11—21°, yillik yogʻin 500–1000 mm.

K. — iqtisodiy jihatdan rivojlangan provinsiya, elektr stansiyalarning umumiy quvvati jihatdan va alyuminiy i.ch.da mamlakatda yetakchi oʻrinda. Temir, mis, polimetall, oltin, kumush, nikel, asbest konlari bor. Kanadada olinayotgan asbestning aksari qismi K.da qazib olinadi. Neftni qayta ishlash, mashinasozlik, toʻqimachilik, moʻyna, koʻn poyabzal, oziq-ovqat, sellyuloza-qogʻoz sanoati rivojlangan.

Q.x.ning yetakchi tarmogʻi — sut chorvachiligi. Parrandachilik ham rivojlangan. Ichki va tashqi suv havzalarida baliq ovlanadi. Sanoat markazlari va portlari: Montreal va Kvebek. K.ning hozirgi hududida yevropaliklar kelgunga qadar indeys va eskimos (shim. qismida) qabilalari yashagan. K.ni dastlab (1608) fransuzlar egallagan. Yetti yillik urush (1756—63) dan soʻng Buyuk Britaniya qoʻliga oʻtdi. 1774 y.da K.nomini oldi. 1867 y.dan Kanada provinsiyasi. K.ning chegarasi 1898 va 1912 yillarda shim.ga tomon ancha kengaydi.[1]

Manbalar[tahrir]

  1. OʻzME. Birinchi jild. Toshkent, 2000-yil