Degemer

Donemat deocʼh er Wikipedia, an holloueziadur digor ha digoust, frank a wirioù ha liesyezhek, hag a cʼhall bezañ gwellaet gant an holl 70 069 fennad emeur o sevel bremañ e rann vrezhonek an holloueziadur. Wikipedia evit ar pellgomzerioù hezoug Istor · Skiantoù · Douaroniezh · Arzoù · Skiantoù an Den · Yezhoù

Pennad ar miz Ar Bibl e latveg, skrivet en doare-skrivañ kozh ha gant lizherennoù “Fraktur” Al latveg (latviešu valoda) zo ur yezh komzet e Latvia, e reter Europa. Yezh ofisiel ar vro-hont eo. War-dro 1,9 milion a dud eus Latvia (79% anezho) a oar latveg ha war-dro 1,2 milion a ra gantañ er gêr. Ar re all a ra gant ar rusianeg. Muioc’h-mui e vez implijet al latveg e buhez ar vro. Ur yezh valtek eo al latveg ha kar-nes eo d’al lituaneg, daoust ma ne c’hall ket komzerien an div yezh en em gompren kenetrezo. Miret ez eus en div yezh valtek-se kalz traoù a veze kavet en indezeuropeg kozh a-fet morfologiezh an anvioù-kadarn, daoust ma’z int emdroet kalzik a-fet distagadur. Heñvel a-walc’h eo an diforc’hioù a zo etre al latveg hag al lituaneg ouzh ar re a gaver etre an alamaneg hag ar saozneg. Embannet e voe un destenn e latveg evit ar wezh kentañ er Gwalarn e kreiz ar XVIvet kantved, pa voe moullet ar Pater Noster e latveg e-barzh Cosmographia Universalis gant Sebastian Münster. Levezonet eo bet Latvia, e-hed hec’h istor, gant ar broioù nes, Alamagn, Polonia, Sveden ha Rusia. E-pad ar mareoù ma oa stag Latvia ouzh Impalaeriezh Rusia ha ma oa unan eus republikoù an Unvaniezh Soviedel, ez eus deuet kalz Rusianed d’ober o annez er vro ha n’o deus ket desket latveg. Hiziv neuze ez eo al latveg ur yezh-vamm evit 60% eus annezidi Latvia, hag er c’hêrioù bras n’eo yezh-vamm nemet evit 50% eus an dud. Abaoe m’eo deuet Latvia da vezañ ur stad dizalc’h, er bloavezhioù 1990, ez eus bet degemeret lezennoù war ar yezhoù eta evit kas al latveg war-raok. (muioc'h...)

Keleier Un tamm sell war red an darvoudoù Doare an 9 a viz Here 2021 ha Keleier ar vro. 23 a viz Gwengolo : Carles Puigdemont, prezidant kozh Generalitat Katalonia, zo harzet gant ar polis en Alghero, e Sardigna, ha lezet da vont un nebeud eurvezhioù goude. 19 a viz Gwengolo : dislonkadenn ar menez-tan Cumbre Vieja (skeudenn), en Inizi Kanariez. 17 a viz Gwengolo : marv Abdelaziz Bouteflika, bet prezidant Aljeria. 5 a viz Gwengolo : taol-stad e Ginea a-enep ar prezidant Alpha Condé. 31 a viz Eost : mont a ra soudarded diwezhañ ar Stadoù Unanet kuit eus Kaboul, goude ur brezel ugent vloaz en Afghanistan. 26 a viz Eost-3 a viz Gwengolo : gwastet eo arvor reter ar Stadoù Unanet gant ar gorventenn Ida hag ouzhpenn 60 den zo lazhet. 24 a viz Eost : troc'het eo al liammoù diplomatek etre Aljeria ha Maroko abalamour d'ar gouvrezel e Sahara ar C'hornôg ha da veur a zizemglev all. 15 a viz Eost : Kaboul, kêr-benn Afghanistan, zo bet aloubet gant an emsavidi taliban ha tec'het eo ar prezidant Achraf Ghani. 14 a viz Eost : kren-douar bras en Haiti, gant ouzhpenn daou vil den lazhet. 28 a viz Gouere : dont a ra Pedro Castillo da vezañ prezidant Perou.

Keleier ar Wiki War gresk e talc’h ar Wikipedia brezhonek da vont, goustad avat, ha tremen 70 900 pennad zo bremañ. Er 83vet renk emaomp bepred e-touez ar raktresoù Wikipedia [1], evit an niver a bennadoù, etre an newareg hag ar veneteg. Evit gouzout hiroc'h : An Deizlevr. E renkadur an holloueziadurioù hervez danvez ar pennadoù emaomp er 80vet plas [2], etre ar c'hurdeg sorani hag ar woueg. Ne labouromp ket a-walc'h da wellaat ar pennadoù a zo bet boulc'het, hag un toullad pennadoù diazez a vank c’hoazh d’hor Wiki-ni [3], evel buhezegezh pe vaksin ha meur a hini all c'hoazh. Taolit ur sell ouzh roll ar pennadoù a ra diouer d’ar Wiki-mañ. Gallout a ra pep hini ac’hanomp klask sevel ar pennadoù a vank dimp. Mankout a ra dimp ivez pennadoù hir (n'hon eus nemet 27 evit ar mare). Evit kaozeal diwar-benn kement tra a denn d'ar Wikipedia brezhonek, gouzout petra zo nevez, reiñ ho soñj, kit bep an amzer d'ober un dro betek Tavarn ar wikipedourien. Taolit ur sell ouzh ar pennadoù nevez-voulc'het gant hor c'henlabourerien ha roit dorn d’o reizhañ, d’o gwellaat, d’o astenn, d’o fonnusaat. Gallout a ra neb a gar degas kemmoù d’ar pennadoù ma vank traoù enno, pe ma'z eus mankoù enno. Ma n’oc’h ket asur eus an doare da ober, sellit ouzh Skoazell:Penaos kemmañ ur bajenn, pe c’hoazh ouzh Wikipedia:Fazioù stankañ. E-touez ar raktresoù kar da hini Wikipedia, emañ hini ar Wikimammenn, un dastumad levrioù brezhonek, kuit a wirioù, pe c’hoazh hini ar Wikeriadur. Kit da deurel ur sell outo !

A bep seurt A bep seurt Porched ar gumuniezh (Amañ e kavo ar re nevez ar pep retañ da c'houzout, hag alioù ha skoazell evit kregiñ ganti) Tavarn ar wikipedourien : demata, kafeta, marc'hata, teodata ha chopinata An Deizlevr Pennadoù nevez. Ar pennadoù nevez-voulc'het gant hon c'henlabourerien. N'int ket peurechu, ha gallout a rit reiñ ho skoazell da gas anezho da benn. Roll ar porchedoù Erbedennoù war live ar yezh Goulenn diverkañ ur pennad pe ur rummad Ar fazioù yezh stankañ a vez graet gant ar genlabourerien ha penaos diwall diouto. Goulenn ur pennad Pennadoù a ra diouer d'ar Wiki-mañ Termenadurezh ha dibaboù pleustrek evit ar wiki Danvez pennadoù da vezañ klokaet Labour kumuniezhel Fazioù zo marteze e pajennoù ar wikipedia. Amañ e vint renablet, e pajenn ar reizhadennoù da ober e-barzh yezh ar wikipedia

Ur raktres deus ar Wikimedia Foundation eo Wikipedia Commons Bank roadennoù liesvedia MediaWiki Diorren poelladoù Meta-Wiki Kenurzhiañ Wikilevrioù Levrioù ha testennoù frank Wikiroadennoù Diaz anaoudegezh Wikikeloù Keloù digor Wikipedia Holloueziadur Wikiarroud Dastumad arroudennoù Wikimammenn Al levraoueg dieub Wikispesad Roll ar spesadoù bev Wikiskolveur Binvioù frank evit deskiñ Wikeriadur Geriadur & tezorus