Përshkrim

“Gutenberg” është emër i koduar për një mënyrë tërësisht të re për krijim me WordPress-in, që synon të revolucionarizojë tërë fushën e botimit, ashtu siç bëri Gutenbergu me fjalën e shtypur. Projekti po ndjek një proces katër fazash që do të prekë pjesët kryesore të WordPress-it — Përpunim, Përshtatje, Bashkëpunim dhe Shumëgjuhësh.

Përpunuesi me blloqe sjell për herë të parë një trajtim modular të krejt pjesëve të sajtit tuaj: çdo pjesë lënde te përpunuesi, nga një paragraf e deri te një galeri figurash apo një titull lajmesh, është bllok më vete. Dhe njësoj si blloqet materiale, blloqet WordPress mund të shtohen, të sistemohen dhe risistemohen, duke u lejuar përdoruesve WordPress të krijojnë lëndë të pasur me media, përmes një rruge pamore intuitive — dhe pa zgjidhje nga halli, të tilla si kode të shkurtër apo HTML të përshtatur.

Përpunuesi me blloqe për herë të parë u dha më dhjetor të 2018-s. Po punojmë fort për të rafinuar punimin me të, duke krijuar më tepër blloqe dhe blloqe më të mirë, dhe duke hedhur themelet për fazat e ardhshme të punës. Çdo hedhje në qarkullim e WordPress-it vjen e gatshme për punë me veçoritë e stabilizuara prej versionesh të shumtë të shtojcës Gutenberg, ndaj s’keni nevojë të përdorni shtojcën për të përfituar nga puna e zhvilluar këtu. Por, nëse jeni më guximshëm dhe i familjarizuar me teknologjinë, shtojca Gutenberg ju jep veçoritë më të reja dhe më të fuqishme, ndaj mund të bëheni pjesë e jona me testimin e veçorive të fjalës së fundit, të filloni të luani me blloqet dhe, ndoshta, të frymëzoheni për të krijuar tuajin.

Zbuloni Më Tepër

• Dokumentim Përdoruesi: Për dokumentim të hollësishëm mbi përdorimin e përpunuesit si një autor që krijon postime, faqe, etj, shqyrtoni dokumentimin e Përpunuesit WordPress.

• Dokumentim për Zhvilluesit: Se si ta zgjeroni përpunuesin, eksploroni Dokumentim për Zhvilluesit për përkujdesore, dokumentim dhe referenca API-sh të thelluara.

• Kontribues: Gutenberg-u është një projekt me burim të hapur dhe mirëpret krejt kontribuesit, nga programuesit e deri te ata që merren me dizajn, nga shkrimi i dokumentimit deri te vënia në provë. Për krejt hollësitë se si mund të ndihmoni, shihni Librin e Kontributorit.

Qendra e zhvillimit të projektit Gutenberg mund të gjendet te https://github.com/wordpress/gutenberg. Diskutimet për projektin bëhen te Make Core Blog dhe te kanali #core-editor në Slack, përfshi mbledhjet javore. Nëse s’keni llogari Slack, mund të hapni një të tillë këtu.