Iki versi cepet carané nginstal WordPress:
- Undhuhānā paket WordPress. banjur diekstrak (unzip).
- Ékstrak nang komputer (pestékaké yén PC sampéyan wis dipasangi aplikasi server web) utāwā direktori hosting sampéyan.
- Gawé basis data kanggo WordPress nang server web Sampéyan lan ugā gawé sisan panganggo MySQL sing duwé wenang ngakses lan ngowahi basis data iku.
- Ganti jenengé berkas wp-config-sample.php dadi wp-config.php.
- Sunting wp-config.php nganggo piranti panyunting teks sing Sampéyan senengi lan isèknā detil basis data Sampéyan.
- Pilih panggonan kanggo masang WordPress nang direktori server web Sampéyan:
- Yén Sampéyan pengin ndadèkaké WordPress ing oyot ranah (domain) Sampéyan (conto: http://example.com/), pindhahaké utāwā unggahaké kabeh isi konten direktori WordPress (nanging folder-é dhéwé ora) neng direktori server web Sampeyan.
- Yén Sampéyan péngin nduwé instalasi WordPress neng subdirektori neng situs web Sampeyan (conto: http://example.com/blog/), ganti jenengé direktori wordpress dadi jeneng sing mbok péngini ing subdirektori iku lan pindahaké utāwā unggahaké neng server web Sampéyan. Contoné, yén Sampéyan péngin nginstal WordPress neng subdirektori jenenge “blog”, Sampéyan kudu ménéhi jeneng direktori sing jenengé “wordpress” dadi “blog” lan ngunggahaké neng direktori oyot server web Sampéyan.
- Lakokaké skrip instalasi kanthi ngakses wp-admin/install.php nganggo peramban sing disenengi.
- Yén Sampéyan nginstal WordPress neng direktori oyot, Sampéyan kudu niliki: http://example.com/wp-admin/install.php
- Yén Sampéyan nginstal WordPress neng subdirektori contoné jenengé blog, Sampéyan kudu niliki: http://example.com/blog/wp-admin/install.php
- Iki cārā sing luwih cepet. Yén Sampéyan uwis nduwé hosting mlebuwā marang control panel hosting sampéyan banjur install WordPRess nganggo aplikasi script installer sing cumawis. Sampéyan ora perlu nggawé basis data utāwā setélan liyané.
Cukup sakmānā! Kuduné saiki WordPress wis kepasang.