Wopisanje
„Gutenberg“ je kodowe mjeno za cyłu nowu paradigmu we wuwiwanju a wozjewjenju sydłow WordPress, kotryž chce cyłe wozjewjenske dožiwjenje rewolucionować, kaž je Gutenberg z ćišćanym słowom činješe. Tuchwilu je projekt w prěnjej fazy štyrifazoweho procesa, kotryž kóždy dźěl WordPress nastupa — wobdźěłowanje, přiměrjenje, zhromadne dźěło a wjacerěčnosć — a koncentruje so na nowe wobdźěłowanske dožiwjenje, na blokowy editor.
Blokowy editor modularny přistup k stronam a přinoškam zawjeduje: Kóždy wobsahowy dźěl w editorje, wot wotstawka do wobrazoweje galerije hač k hłowemu nadpismu, je swójski blok. A runje tak kaž fiziske bloki, dadźa so bloki WordPress přidać, rjadować a přerjadować, zo bychu wužiwarjam WordPress zmóžnili, strony z wjele medijemi na wizuelnje intuitiwne wašnje wutworić — a to bjez prowizoriskich rozrisanjow kaž krótke kody abo swójski HTML.
Blokowy editor je so w decembru 2018 k dispoziciji stajił, a dźěłamy hišće ćežko na polěpšenju dožiwjenja. Za to wutworjemy dalše a lěpše bloki a kładźemy zakład za přichodne tři dźěłowe fazy. Tykač Gutenberg wam najnowšu wersiju blokoweho editora skići, zo byšće móhł najnowše funkcije testować, započńće z blokami hrać, a snano inspirowany swójski wutworić.
Wotkryjće wjace
-
Wužiwarska dokumentacija: Hlejće dokumentaciju editora WordPress za podrobne dokumenty wo wužiwanju editora jako awtora, kotryž přinoški a strony wutworja.
-
Wuwiwarska dokumentacija: Rozšěrjenje a přiměrjenje stej žro platformy WordPress, hlejće wuwiwarsku dokumentaciju za wobšěrne nawody, dokumentaciju a API-referencu wo tym, kak móžeće editor rozšěrić
-
Sobuskutkowarjo: Gutenberg je projekt wotewrjeneho žórła a wita wšěch sobuskutkowarjow wot koda do designa, wot dokumentacije do wupruwowanja. Hlejće přiručku sobuskutkowarjow za wšě podrobnosće wo tym, kak móžeće pomhać.
Wuwiwanske srjedźišćo za projekt Gutenberg je na Github pod: https://github.com/wordpress/gutenberg
Diskusija za projekt je na blog Make a na kanalu #core-editor w Slack, registrowanske informacije.
HSP
-
Kak móžu swoje komentary zdźělić abo kak móžu pomoc při zmylku dóstać?
-
Bychmy so wo wašich zmylkowych rozprawach, funkcijowych namjetach a druhich informacijach wjeselili! Wopytajće stronu problemow GitHub, zo byšće eksistowace zmylkowe rozprawy pytał abo nowu rozprawu wutworił. Mjeztym zo pospytujemy wozjewjene zmylkowe rozprawy přehladować, kotrež su so tu w tykačowym forumje zdźělili, dóstanjeće spěšnišu wotmołwu (a wobchadźeće duplikaty), hdyž wšitko je centralizowane w repozitoriju GitHub.
-
Što jako přichodne za projekt přińdźe?
-
Štyri fazy projekta su wobdźěłowanje, přiměrjenje, zhromadne dźěło a wjacerěčnosć. Móžeće wjace wo projekće a fazach wot Matta w jeho rozmołwach Staw swěta za 2019 a 2018 zhonić. Nimo toho móžeće aktualizacijam w blogu Make WordPress Core slědować.
-
Hdźe móžu wjace wo Gutenberg čitać?
-
- Gutenberg, or the Ship of Theseus (jendź.), z přikładami, štož Gutenberg móhł w přichodźe činić
- Techniski přehlad wo editorje
- Wuhotwanske principy a najlěpše metody za blokowy design
- WP Post Grammar Parser
- Wuwiwanske aktualizacije na make.wordpress.org
- Dokumentacija: Wutworjenje blokow, referencow a směrnicow
- Přidatne husto stajene prašenja
-
Hdźe móžu widźeć, kotre wersije tykača Gutenberg su we wozjewjenju WordPress wobsahowane?
-
W dokumenće wo wersijach WordPress namakaće tabelu, kotrež pokazuje, kotra wersija tykača Gutenberg je w kóždym wozjewjenju WordPress wobsahowana.
Pohódnoćenja
Sobuskutkowarjo a wuwiwarjo
„Gutenberg“ je softwara wotewrjeneho žórła. Slědowacy ludźo su k tutomu tykačej přinošowali.
Sobuskutkowarjo
„Gutenberg“ je so do 51 rěčow přełožił. Dźakujemy so přełožowarjam za jich přinoški.
Přełožće „Gutenberg“ do swojeje rěče.
Na wuwiću zajimowany?
Přehladajće kod, hladajće do SVN-repozitorija abo abonujće wuwiwanski protokol přez RSS.
Protokol změnow
To read the changelog for Gutenberg 11.5.1, please navigate to the release page.