Esperanto

Aperis WordPress 5.5

Afiŝita en Aŭgusto 12, 2020 de yvesnev.ĜeneralaLasi komenton

La enhavadministrada sistemo WordPress nun estas en la versio 5.5 kun kelkaj novaj funkcioj, inkluzive pli bonaj rapideco, serĉado, sekureco, redaktilo kaj alireblo.

Kun WordPress 5.5, afiŝoj montriĝas pli rapide danke al prokrastita bildo-ŝargado. Ĉi tio signifas, ke bildoj sur paĝo ŝargiĝos nur kiam uzanto rulumas kaj atingas ilin. Sur poŝtelefonoj tia prokrastita elŝutado povas malebligi al retumiloj elŝuti dosierojn destinitajn al fiksaj komputiloj.

Aliflanke, WordPress 5.5 inkluzivas XML-mapon implicite, kiu helpas serĉilojn rapide malkovri afiŝojn tuj post kiam ili estas aldonitaj. Kromaĵoj povas jam havi similan rezulton, sed ĉiam interesas havi indiĝenan solvon.

Aldone, WordPress 5.5 proponas aŭtomatajn ĝisdatigojn por kromprogramoj kaj etosoj. Nur iru al la dediĉita sekcio en la administrado kaj alklaku “Aktivigi aŭtomatajn ĝisdatigojn”.

Por la redaktilo ekzistas novaj blokaj ŝablonoj, rekta bildo-modifeblo (stuci, rotacii, zomi) kaj nova bloko-dosierujo.WordPress 5.5 estas havebla nun. La ĝisdatigo povas esti aplikata en la WordPress-administrantejo en via retejo. Vi povas elŝuti ĝin de eo.WordPress.org.

Faligo pro silento

Afiŝita en Junio 1, 2018 de Cindio.Ĝenerala2 komentoj

Ĉu iu uzas Majstron de ekzamenoj kaj enketoj?. Mi ne tradukas la novajn liniojn, ĉar mi ne volas malŝpari tempon. Mi konas neniun uzanton.
(Cetere, devus esti Majstro de Ekzamenoj kaj Enketoj, ĉar temas pri nomo, ne titolo. Ĉu mi duondorme tradukis?)

Same pri Formularoj de Ninja.

Same pri la paĝoj de WordPress.org mem, inkluzive la salutilon.

Mi devas forlasi tenadon de kelkaj kromprogramoj, se neniu anoncas uzon de ili.

De nun, miaj prizorgado de kromprogramoj kaj paĝoj ĉe la oficiala retejo dependos de anoncoj de uzantoj.
Mi ne ricevas statistikaĵojn pri uzo de kromprogramoj; mi devas dependi pri viaj mesaĝoj al mi!

gdpr-iloj

Afiŝita en Majo 17, 2018 de Cindio.ĜeneralaLasi komenton

Jen, la teamo de WordPress eldonis version 4.9.6, kun iloj por helpi observi la novan eŭropan leĝon pri privateco. Tiu leĝo iĝos observebla en la 25a tago de la monato.
Ek al la pretigado!

Kutime, mi afiŝas pri la nombro da elŝutoj post ĉefa eldono. Sed 6 monatoj jam pasis, do mi informas, ke okazis jam 11 546 elŝutoj de versio 4.9 de WordPress. Do, pli ol 11 mil. La ekrankopio kun nia parto:
Bonvole uzu la forumojn por demandi kaj helpi unuj al la aliaj. Se vi spertas problemon pri uzo de la forumoj, petu helpon [email protected].

GDPR en majo

Afiŝita en Aprilo 15, 2018Aprilo 15, 2018 de Cindio.ĜeneralaLasi komenton

GDPR, Ĝenerala Datuma Protekta Regulo de la Eŭropa Unio, iĝos deviga en la 25a de majo 2018, en la EU kaj rilate personajn informojn de enloĝantoj de la EU. Posedantoj de WordPress-ejo havos eblon aldoni paĝon pri privateca politiko, kun aldono de la privatecaj informoj de uzataj kromprogramoj.

Posedantoj de retejo ankaŭ povos ricevi kaj trakti petojn de uzantoj rilate montron, elŝuton aŭ sennomigon de personaj informoj.

Nova paĝo Privateco aperos en la menuo sub Iloj, por montri kaj pritrakti tiujn petojn.
Ekzistos retpoŝta konfirmo por certigi, ke peto venas de ĝusta persono – tio evitos fiuzon de la eblo peti elŝuton de personaj informoj.

En la angla.

Vua PDF

Afiŝita en Marto 24, 2018Majo 4, 2018 de Cindio.WooCommerceLasi komenton

Jen, la komenco de PDFa konsila dokumento pri WooCommerce, havebla ĉe: https://eo.wordpress.org/vu-konsiletoj/

Tria Vu-konsileto

Afiŝita en Marto 22, 2018Marto 22, 2018 de Cindio.WooCommerceLasi komenton

Aŭtomata numerado de SKU-oj

Se allogas vin la eblo aŭtomatigi var-numeradon de SKUoj, per Booster por WooCommerce, konatiĝu kun la ŝablono.
Ŝablono de SKU-numero: {category_prefix}{prefix}{sku_number}{suffix}{category_suffix}{variation_suffix} = prefikso de kategorio + prefikso + cifera parto de SKU + sufikso + kategoria sufikso + sufikso de variaĵo.

Se vi ofertas multajn simplajn varojn, la senpaga versio funkcias bone.

Se vi havas vendejon Vestaĵoj Por Vi kaj ofertas sportĉemizon (en kategorio Sporto) en 3 versioj: malgranda, mezgranda kaj granda, kaj vi volas malsamajn SKUojn por ĉiuj grandoj…..
Vi decidas uzi ĝeneralan prefikson por SKUoj kiu estas mallongigo de via vendejo: VPV. Vi pensas, ke vi ne uzos ĝeneralan sufikson. Vi decidas ekspluati la fakton, ke aldono de kategoria sufikso estas senpaga, do vi entajpas sufikson SPO por la kategorio Sporto.
Vi malkovras, ke “Variaĵoj de variaj varoj” havas opcion nur “SKU same kiel patra varo” en la senpaga versio.
Vi malridetas, ĉar vi vere volis havi malsamajn SKUojn por ĉiu grando de tiu ĉemizo.
La SKU devos esti simila al: VPV1SPO por ĉiu grando de via sportĉemizo!
Sed iru al viaj variaĵoj en tiu ‘afiŝo’ de varo kaj permane donu la deziratajn SKUojn al ĉiu variaĵo. Ĉiaokaze, ĉiu variaĵo ricevas unikan ID-on.

Do, vi devis doni SKUon por la variaĵoj permane en la senpaga versio.

P.S. Mi komencos meti konsiletojn en malsama loko.

Dua Vu-konsileto

Afiŝita en Marto 21, 2018Marto 22, 2018 de Cindio.WooCommerceLasi komenton

Varia varo

Vi volas krei variaĵojn de varo. Ni diru, ke via varo estas ĉemizo. Iru al Varoj -> Aldoni novan.
Iru al la skatolo Vardatumoj. Elektu ‘Varia varo’. Iru al ‘Atributoj‘. Apud la vortoj ‘Propra vara atributo‘ alklaku la butonon ‘Aldoni’. Entajpu nomon, eble Grando, se temas pri etaj, mezgrandaj kaj grandaj ĉemizoj. En la skatolo Valoro(j), vi povas entajpi Malgranda|Mezgranda|Granda. Jes, apartigu valorojn per tiu vertikala strio.
Alklaku ‘Konservi atributojn’.
Iru al ‘Variaĵoj‘. Elektu krei variaĵojn el kombinoj de tiuj atributoj, ĉar vi jam aldonis la bezonatajn informojn.
Ŝvebigu la muson super ĉiu variaĵo kaj vidu la sagon aperi apud ĉiu (kun movilo kaj eblo forigi la variaĵon). Alklaku la sagon kaj vi povas ebligi stokadon de tiu variaĵo, doni ekzemplerojn en stoko, malsaman SKU-on al tiu variaĵo, bildon de tiu variaĵo, ktp.
Memoru konservi viajn ŝanĝojn post ĉiu paŝo.
Ho, kaj dum vi estas en Variaĵoj, vi povas elekti defaŭltan variaĵon. Tiu estos ŝargita kaj vidita kiam kliento vizitas tiun varon. Tiu eblo estas ĉe ‘Defaŭltaj valoroj por formularo:‘ Se vi ne elektas defaŭltan, la vara bildo aperos (alŝutu varan bildon! – tiu skatolo troviĝas al la dekstro) kaj la falmenuo diros ‘Elekti opcion’.