Marketing

O marketing ([mar'ketin] u ['marketin], de l'anglés marketing) revalora a percepción subchectiva d'un determinau producto, servicio u empresa fendo servir un conchunto d'actividatz de mercato relacionatas entre ellas. Ye siempre endrezata ta satisfer os deseyos y motivar as necesidatz d'un publico potencial u rolde obchectivo. As tecnicas que fa servir sen destinatas a desembolicar os comportamientos positivos d'iste rolde ent'a organización u entidat, favoreixendo l'intercambio d'esquímens en forma de crompa de producto u servicio final por parti d'os mercadors.

As actividatz que se fan servir incluyen l'estudio d'os procesos d'investigación ta: escubillar a existencia d'o rolde de mercadors potencials, conoixer as suyas necesidatz y intreses, conoixer as posibilidatz y maneras d'amanamiento d'a empresa enta os roldes obchectivos, ecetra. O marketing tamién incluye as investigacions de mercau, l'analís de posicionamiento y valors expresivas d'os productos u servicios ufrius, os suyos pres y os volumens de distribución más favorables y, zaguerament, as posibles promocions y campanyas publicitarias.

A publicidat ye a ferramienta más directa d'o marketing. Ista merca un espacio comunicativo ta un producto u servicio determinau y i mete un mensache persuasivo con l'obchectivo de vender-lo. A publicidat, chunto con atras tecnicas de marqueting y promoción, fan que l'articlo u servicio remana en os tozuels d'os mercadors, fendo asinas que les agane a crompa d'este.