Lavurar tar RTR – Mes univers per 360°!
Il mund da las medias è varià, interessant e pretensius. Tar l'interpresa da medias svizra la pli impurtanta gidain nus mintga di a concepir quest mund; natiralmain al puls dal temp e totalmain digital. Nus ans exprimin tuts en nossa moda persunala e surpigliain a moda autonoma ina part da la responsabladad. Quai gartegia mo, perquai che nus essan averts e tschertgain il contact persunal.
Noss munds da professiun:
quai tschertgain nus
Noss mund è probablamain in dals pli variads insumma. Perquai tschertgain nus talents da bunamain tut las gruppas da professiuns.
Dapli
Nossa empermischun:
uschia ticcain nus
Nagin da nus è qua simplamain per lavurar – nus essan qua, perquai che nus tutgain qua. Igl è in mund che va a prà cun nus, perquai ch'el pretenda da nus ed ademplescha nus. Igl è il mund che nus charezzain.
Dapli
Nossas offertas:
quai purschain nus
Il mund da la SSR è per glieud che sa insatge. Nus purschain bler per che tut ils spezialists sa sentian bain, s'avrian e sa sviluppian vinavant.
Dapli
Noss mintgadi
Noss studios
Il studio principal sa chatta a Cuira. Studios regiunals ha RTR a Mustér, Glion, Savognin, Samedan, Scuol sco era a Berna.
Creativitad ed innovaziun
La creativitad è il motor da nossa lavur. En la midada digitala promovain nus l'innovaziun ed il spiert d’experimentader. Nus ans basain sin l’avertezza dal spiert e da las ideas.
Independenza
L’imparzialitad è nossa maxima fundamentala. Nus prendain decisiuns schurnalisticas betg influenzadas da la politica, da l'economia e d'autras gruppas d'interess. Nus na favurisain naginas posiziuns u interess, a medem temp represchentain nus las valurs da nossa societad.
Service public
Il public e l'engaschament per la cuminanza democratica stattan en il center da nossa lavur. La purschida sa drizza a tuttas e tuts en Svizra.
Vardaivladad
Entaifer la massa d'infurmaziuns dain nus paisa a la vardaivladad ed a la relevanza da nossa purschida. Nus derasain mo infurmaziuns da funtaunas fidadas. Nus ans stentain da mussar l'actualitad cun resguardar tut ils aspects e las vistas decisivas. Nus mussain il mund, ils umans e lur agir cun tut lur expressiuns – las bunas e las malas, las renconuschidas e las dischagreablas, las cuntraversas, las provocativas e las schoccantas
Ans suandai era sin: