唐字

唐字／漢字
類型：	語素文字
語言：	唐文、日文、韓文、越南文等
使用時期：	約公元前1300年至目前
母書寫系統：	（原始文字） 唐字／漢字
子書寫系統：	假名、諺文、喃字、西夏文、契丹文、方塊壯字、女真文
Unicode 範圍：	U+4E00至U+9FFF U+3400至U+4DBF（擴展A） U+20000至U+2A6DF（擴展B） U+2A700至U+2B73F（擴展C） U+2B740至U+2B81F（擴展D） U+F900至U+FAFF（兼容） U+2F800至U+2FA1F（兼容補充） U+2F00至U+2FDF（康熙部首） U+2E80至U+2EFF（部首補充） U+31C0至U+31EF（筆劃）
ISO 15924 碼：	Hani Hans（簡體） Hant（繁體）
用正體字（左）同簡體字寫嘅「漢字」

     淨係用繁體/正體字嘅地區（台灣、香港、澳門）。
     正式用簡體字，亦都會用繁體字嘅地區（新加坡、馬來西亞）。
     淨係用簡體字嘅地區（中國大陸）。
     漢字同其他書寫系統喺同一個語言中並用嘅地區（日本、南韓）。
     用過漢字嘅地區（越南、北韓、蒙古）。

唐字（粵拼：tong⁴ zi⁶），或稱漢字hon³ zi⁶、唐話字、中文字zi⁶，係源於中國嘅語素文字，流行於東亞。古人直稱之為「文」或「字」。唐字、漢字、中文字等名，因為要同外文字區別，先至冠名。

歷史

唐字由石器時代記示演化而來，傳說係黃帝右史官倉頡所造，但唔能夠作準。現時考古發現，有規模用字，最早係商嘅甲骨文，刻於甲骨之上，同占卜評語。後亦有金文刻、鑄於銅器之上；石鼓文，刻於石之上。其他竹或布帛，因易腐易敗，唔易流傳。因竹簡流行，各地有大篆，書寫各異。秦國李斯，一統各異，是為小篆。到漢時，紙張流行，篆書而變隸書。魏時出楷書。楷書又分出行書、草書。及後書寫，多以楷行草。而楷書視為標準。

如今唐字流行於中國、日本、韓國、新加坡、馬來西亞、香港、澳門、台灣等地。

書體

漢字書體有甲骨文、小篆、大篆、金文、楷書、行書、草書等。

造字

查實有史以來，不停有新字，各地因事物有異，音有異，時有異，而造字。

日本有和字，韓國有韓字，廣東有粵字等。

字體差異

漢字種類繁多，一個字都有唔同寫法。

例如：「廣」字

• 正：廣
• 簡：广
• 日：広
• 韓：廣

減筆字

所謂減筆字，民間古而有之，減筆字係筆劃較簡嘅異體字，一般求快而用，所以古時不登大雅之堂。減筆字多以俗為主，亦有行內之字，重有啲係訛字，習非成是。舊時公文，仍堅持正字，減筆字并不入流。

而官方嘅減筆字，中國、日本都有。中國大陸官稱為簡化漢字，而民間多叫做簡體字。

睇埋

• 粵字