李純（778年3月17號—820年2月14號），係大唐第十一位皇帝（唔計武則天），805年到820年在位，跟廟號叫唐憲宗。
李純在位期間，大唐曾經終結短暫嘅藩鎮割據，當中嘅「李愬雪夜下蔡州」，更成為唐憲宗時代最出名嘅戰爭。
而佢嘅帝位係由宦官擁立嘅，因此佢重用宦官，軍隊中好多將領同埋監軍都係由宦官擔任，有啲宦官重擁有好高嘅軍權。之但係，憲宗對宦官一啲都唔優待，佢嘅晚年，鍾意長生不老之術，成日食金丹，「日加躁渴」，性情重變得炮仗頸、容易發爛渣，郁啲責罰左右黃門，搞到成班宦官人人自危。
820年，唐憲宗李純去世，最初謚號叫做聖神章武孝皇帝，849年，唐宣宗李忱追加謚號昭文章武大聖至神孝皇帝。
