北宋

北宋（粵拼：bak¹ sung³；960年—1127年）係宋朝嘅前半段。響中國史入便經常同宋朝嘅下半段南宋夾埋一齊，當做一個朝代。960年趙匡胤代後周，開創宋朝。1126年，金國軍隊攻入首都汴京（而家嘅開封），第二年滅亡（靖康之難），加埋九個皇帝，前後167年。

疆土

北宋統治黃河流域同埋南部嘅一啲地區，東邊、南邊直到大海；北部邊界響今海河、河北霸縣、山西雁門關一線，同遼國交界；西北邊界響而家陝西橫山、甘肅東部、青海湟水一線，同西夏交界；西南邊界響岷山、大渡河一線，同吐蕃、大理交界；南部響而家廣西地區同越南交界。

外交

北宋一路同遼國、金國、西夏對立，打仗打唔贏，畀人迫到簽和約，向呢三個國家進貢。同大理一路關係良好。

經濟

北宋係一個比較注重經濟嘅朝代。宋朝嘅皇帝對外都係以銀兩或者布匹同外族講和，相當於而家嘅「金錢外交」。宋朝嘅首都汴京係宋朝喺北方嘅經濟重心，主要都係對外貿易為主。而喺江南沿岸重有多個通商口岸，買賣貨品到南洋等地。

文化

北宋朝廷比較注重文人嘅提拔同培育，所以北宋出咗唔少詞人，好似蘇東坡同李清照就係好好嘅例子。