Sivdad de Mueva York
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
| ||||||||||||||||||||||||||
Sivdäd dè Muêva Yórk[1] (en inglez i ofisialmente, New York City) es la sivdad más grande del Estado de Mueva York, de los Estatos Unidos d'Amerika i la segunda sivdad mas grande del kontinente de Amerika del Norte. Es el sentro del Zona metropolitana de Mueva York, la kuala sta entre las sivdades mas grandes del mundo.[2] Por mas de un syeklo, la sivdad es uno de los prinsipales sentros mondyales de komersyo i de banka. Mueva York es konsiderada komo una sivdad globala por la su enfluensya mondyala en los medyos de komunikasion, politika, edukasyon, entretenimyento i moda.[3] La enfluensya artístika i kulturala dela sivdad es delas mas fuertes del payiz i del mundo. Endemas, en eya se enkontra la fragua prinsipala de la Organizasyon delas Nasyones Unidas i este fecho la faze una delas sivdades mas emportantes del mundo para los vinkolos internasyonales.
Istoria[trocar | trocar el manadero]
En el momento de su deskubrimiento evropeo en 1524 por Giovanni da Verrazzano, la rejión estava avitada por alrededor de 5000 indíjenas de la tribu de los Lenape. Este eksplorador italiano al servisio de la korona franseza la yamo Nouvelle Angoulême (Nueva Angulema).[4] El afinkamiento evropeo komenzó en 1614 en manos de los neerlandezos i en 1626, el shefe de la kolonia, Peter Minuit, merko la izla de Manhattan a los Lenape (la leyenda, ahora refutada, kuenta ke por abalorios de kristal por un valor de 24 dólares). El lugar sería renombrado como Nieuw Amsterdam I se especializaría en el Komersio de pyeles.[5] En 1664, los inglezos konkistaron la sivdad i la rebautizaron con el nombre de Mueva York en onra al duke de York i Albany.[6] Al final de la Sigunda Gerra Anglo-Olandeza, los neerlandezos gaynaron el kontrol de Surinam, a kambio de ke los inglezos kontrolarano Mueva Amsterdam. Azia el anyo 1700, la povlasion lenape avía sido redusida a 200 avitantes.[7]
Jeografia[trocar | trocar el manadero]
La Sivdad de Mueva York topa ensima de la izla de Manhattan, rodeado de las aguas del rio Hudson ke desaguan en el Oseano Atlantiko, es una sivdad topada al noreste delos Estados Unidos, en el sudeste del mismo estado. La su forma es un grande puerto natural protejido ke desemboka en el océano, ande se aze el muchiguamiento komersial. La mayor parte de la sivdad es afinkada en las izlas de Manhattan, Staten Island i Long Island, ganyando tierra azia la mar.
El rio Hudson fluye por el vaye Hudson asta la beira dela sivdad de Mueva York. Entre Nueva York i la sivdad de Troy, el rio troka en un estuario, sometido a los fluyidos de las mareas maritimas.[8] El Hudson apartiene la sivdad del estado de Mueva Jersey. El rio Este (East River) fluye desde el estrecho de Long Island, apartajando Bronx i Manhattan de Long Island en tanto ke el rio Harlem, entre los rios Este i Hudson, apartiene Manhattan del Bronx.
Ekonomia[trocar | trocar el manadero]
La Sivdad de Mueva York es la kapitala ekonomika i komersial de Norteamerika, es una de las sivdades mas puededoras ekonomikamente en el mundo. En esta sivdad se topa la Bolsa de valores, una emportante fragua para la banka mundiala, las Nasyones Unidas y el grande komersio de una de las nasyones agrandadas enel desvelopamiento mondial.
Turizmo[trocar | trocar el manadero]
La sivdad de Mueva York konta kon numberosos atraktivos turiztikos, ansina; siendo uno delos destinos mas visitados del mundo:
- Kula de la Libertad; izla ande se topa la estua ke apresenta el symbolo de la tierra delas oportunidades.
- Kinkena Avenida; grande kaleja ande se azen emportantes selebrasiones i eventos internasionalos.
- Nasyones Unidas; fragua ande se topa el konsesho de todas las nasyones o paizes del mundo.
- Parke Sentral; espasio vedre dela izla Manhattan, parke metropolitano de grandes anchuras dentro del sentro urbanistiko.
Edukasion[trocar | trocar el manadero]
El sistema de eskolas publikas es dependiente del Departamento de Edukasion dela Sivdad de Mueva York, i es el más grande de Estados Unidos. En la sivdad ande ay alrededor de 1,1 milyones de eskolares repartidos en más de 1200 eskolas primarias i sekundarias.[10] Egzisten otrunas 900 entidades edukativas privadas tanto laikas komo relijiozas, endemas de algunas de las más prestijiozas eskolas privadas del paiz.[11] Es sistema de bibliotekas públikas de la Sivdad de Mueva York es kompuesto por la Biblioteka Públika de Mueva York, la Biblioteka Públika de Queens, i la Biblioteka Públika de Brooklyn.
Kultura[trocar | trocar el manadero]
Sivdad de Mueva York es afamada o mentada komo la Grande Mansana, la rika erensia kulturala de la sivdad atraye myles de personas todo el anyo de distantes nasyones del mondo. Es una de las sivdades ande ay grandes muzeos en el mundo, la kudia, el lashon y el amostramiento de objetos antikos i de arte moderno es la prinsipala aktividade del sistema muzeolojiko de la sivdad kapitala. Aki ay un desvelopamiento de las artes plastikas i es meka de la kultura nasionala.
Arkitektura[trocar | trocar el manadero]
El disenyo arkitektoniko es presente ansina en las fraguas de toda la sivdad, ay restos de una arkitektura viktoriana, ansina komo grandes vanguardias i disenyos de arkitektura moderna i arkitektura de oy endia.
Espor[trocar | trocar el manadero]
Nueva York tyene ekipos en las sinkenas principalas ligas esportivas de Amerika del Norte, kada uno de los kualos tienen su sede en la siudad.
El béisbol es el espor más popular entre sus moradores. Ha habido katirsenas Series Mundialas disputadas entre ekipos lokalos a las ke se suele yamar las Series del Metro. Mueva York es una de las sinken áreas metropolitanas de Estados Unidos (las otras son Chicago, Washington-Baltimore, Los Ángeles y el área de la bahía de San Francisco) que tiene dos ekipos de béisbol.
Personas afamadas[trocar | trocar el manadero]
- Frank Sinatra, Kantador.
- Woody Allen, Eskritor.
Akodros[trocar | trocar el manadero]
Sivdades ermanas[trocar | trocar el manadero]
La Sivdad de Mueva York es ermanada kon las sigientes sivdades:
Konvenios de ayudo[trocar | trocar el manadero]
La Sivdad de Mueva York tiene konvenios kolavorasion o ayudo kon las sigientes sivdades:
