知識

知識（粵拼：zi¹ sik¹）或者學問（粵拼：hok⁶ man⁶）就係對某個人或啲嘢嘅認識，呢啲嘢可以係事實、資料，描述說明，亦可以自己學返嚟、人哋教嘅技能。呢啲認識可以係純理論或者實在嘅。

哲學上，對「知識」嘅研究叫「知識論」。哲學家柏拉圖出名咁定義知識做「合理嘅真信念」。不過，到而家都係冇個人人同意嘅定義，加上大把理論去解釋知識。羅素喺《知識論》一書講到界定知識有幾難：「點界定知識係個問題，好重要𠻹，三個難處我哋要處理。好奇怪：一睇，知識就係信念同事實相符。最難搞就係，冇人知信念係乜，冇人知事實係乜，更冇人知佢地點樣相符，先會令個信念係真。」

得到知識涉及複雜嘅認知過程：感知、溝通、聯想同推理。由更加實用角度來睇，知識通常俾一堆人、一個社區嚟用，知識亦可以俾人「操作」同「管理」。