en historio
dum agosto 50, 100 e 150 yari ante nun …
2 di agosto 1971. La lunala modulo Falcon lansesis de la luno, ye komenco di la retro-voyajo di la misiono Apollo 15. Ol esis la quaresma misiono en qua homi atingis la surfaco di la luno, e la unesma dum qua lunala vehilo esis utiligata. David Scott e James Irwin kovris 27,9 km en ca vehilo dum tri exkursi de 30 di julio til 2 di agosto. Li kolektis 77 kg de specimeni; ula petro, la "Genesis Rock", formacesis cirkume 4,1 miliard yari ante nun, frue en la historio di la luno.
2 di agosto 1921. La tenoro Enrico Caruso mortis en Napoli, evante 48 yari. Il naskis en Napoli, e de 1895 il aparis en operi en diversa teatri en Italia. En 1900 il ganis kontrato kun La Scala en Milano, ed ibe debutis kom Rodolfo en La bohème da Giacomo Puccini. En 1902 il registragis kansoni por gramofono; la diski esis populara, e to augmentis la famo di Caruso. Il unesmafoye aparis en Metropolitan Opera en New York en 1903, ed il pose ofte aparis en Usa. En 1918 il mariajis kun Dorothy Park Benjamin, de richa familio di New York. Il mortis pos sufrinta dum plura monati pro grava maladesi.
30 di agosto 1871. La ciencisto Ernest Rutherford, di qua la deskovri esis la fundamento di nukleala fiziko, naskis en Brightwater, Nova-Zelando, filiulo di farmisto. Il studiis ye Canterbury College en Christchurch, e pose ye Cavendish Laboratory en la Universitato di Cambridge, Anglia. En 1898 il divenis profesoro ye McGill-universitato en Montreal, Kanada. Hike il deskovris la koncepturo di duimo-vivo, la kemiala elemento radono, e nomizis alfa- e beta-partikuli; pro ta laboro il ganis Nobel-premio pri kemio en 1908. Il plu tarde laboris en Anglia ye la Universitati di Manchester e Cambridge.
|
|
|
Kunlaborez! +/-
München, e la parko ube eventas Oktoberfest.
München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|