Përshkrim
WooCommerce-i është zgjidhja me burim të hapët më popullore në botë për eTregti.
Platforma jonë bazë është e lirë, e zhdërvjellët, dhe e amplifikuar nga një bashkësi globale. Liria e burimit të hapët do të thotë se mbani përgjithmonë pronësinë e plotë të lëndës dhe të dhënave të shitores tuaj.
Qoftë kur nisni një biznes, kaloni në internet një shitore tradicionale, apo zhvilloni sajte për klientë, përdoreni WooCommerce-in për një shitore që përzien fuqishëm lëndën dhe tregtinë.
- Krijoni vitrina të hijshme, ndjellëse, shitoresh me tema të përshtatshme për markën tuaj dhe industrinë përkatëse.
- Përshtatni faqe brenda minutash, duke përdorur blloqe modularë produktesh.
- Shpalosni të mira materiale dhe dixhitale, formësime vetjake, shkarkime të atypëratyshme, dhe përshoqëroni artikuj. Rregullat për Prenotime, anëtarësime, pajtime, dhe çmime dinamike janë vetëm një zgjerim larg.
- Ngrihuni në krye të përfundimeve të kërkimit, duke shfrytëzuar avantazhin e SEO-s së WordPress-it.
Mjete të brendshme dhe integrime popullore ju ndihmojnë të administroni me efikasitet punët e biznesit tuaj. Mjaft shërbime janë falas për t’i shtuar me një klikim të vetëm përmes Ndihmësit opsionale të Ujdisjes.
- Zgjidhni se si doni të paguheni. Administroni me lehtësi pagesat që nga rehatia e shitores tuaj, me Pagesa WooCommerce (vetëm në ShBA). Pranoni në mënyrë të sigurt karta, protofola celularë, transferta bankare, dhe para në dorë, falë 100e ca kanalesh pagesash – përfshi Stripe, PayPal, dhe Square.
- Formësoni mundësitë tuaja të dërgimit. Shtypni etiketa USPS drejt e nga pulti juaj dhe madje planifikoni marrje paketash, me Dërgime WooCommerce (Vlen vetëm në ShBA). Lidhuni me transportues të mirënjohur, të tillë si UPS, FedEx, dhe ShipStation – plus një larmi të madhe zgjidhjesh livrimi, inventari dhe plotësimi porosish për gjuhën tuaj.
- Thjeshtoni punën me taksa shitjesh. Shtoni Taksa WooCommerce ose shërbime të integruara të ngjashme për ta bërë realitet përllogaritjen e automatizuar të tyre.
Rritni biznesin tuaj, shtoni veçori, dhe mbikëqyrni shitoren tuaj, prej ngado që të jeni
WooCommerce-i do të thotë biznes. Vëzhgoni matjet e funksionit më të rëndësishme për ju, me Përgjegjës WooCommerce – një pult qendror i fuqishëm, që mund ta përshtatni, për shitoren tuaj.
Zgjeroni publikun tuaj përmes kanalesh marketingu dhe rrjetesh shoqërorë, me integrime për Google Ads, HubSpot, Mailchimp, dhe Facebook. Mundeni përherë të shihni te pulti i brendshëm i Marketing Hub-it për ide të freskëta dhe ndihmëza që të keni sukses.
Thelloni funksionimin e shitores me qindra zgjerime falas apo me pagesë prej WooCommerce Marketplace zyrtar. Zhvilluesit tanë kontrollojnë çdo zgjerim të ri dhe shqyrtojnë rregullisht inventarin ekzistues për të ruajtur standardet e cilësisë të Marketplacet-it. Kërkojmë aktivisht për produkte që ndihmojnë krijuesit e shitoreve të krijojnë shitore të suksesshme.
Administrojeni shitoren tuaj prej ku të jetë, me aplikacionin WooCommerce për celular falas (Android dhe iOS). Kujdes: Mbani vesh tingullin paksa ngjitës “ça-çing” që dëgjohet sa herë që bëni një shitje të re!
Jini zot dhe kontrolloni të dhënat e shitores tuaj – përgjithmonë
Me WooCommerce-in, të dhënat ju përkasin juve. Përherë.
Nëse zgjidhni të ndani me ne të dhëna përdorimi, mund të ndiheni i sigurt kur të dini që janë të anonimizuara dhe se mbahen të siguruara. Zgjidhni lënien jashtë kësaj praktike kur të doni, pa ndikim mbi shitoren tuaj.
Ndryshe nga zgjidhje eTregtie të strehuara, të dhënat e një shitoreje WooCommerce janë të mbrojtura prej të papriturave të së ardhmes; po të donit të migroni te një platformë tjetër, jeni i lirë të eksportoni krejt lëndën tuaj dhe ta shpini sajtin tuaj kudo që vendosni. Pa kufizime.
Pse e zgjedhin (dhe e duan) zhvilluesit WooCommerce-in
Zhvilluesit mund ta përdorin WooCommerce-in që të krijojnë, përshtatin dhe shtrijnë më tej një shitore për të plotësuar kërkesat ekzakte të klientit, duke bërë thellime përmes zgjerimesh ose zgjidhjesh vetjake.
- Shfrytëzoni hook-e dhe filtra për të ndryshuar anë funksionimi ose për të krijuar të reja.
- Integroni praktikisht çfarëdo shërbimi, duke përdorur një API REST të fuqishëm dhe webhook-e.
- Skiconi dhe ndërtoni blloqe vetjakë lënde, me React.
- Inspektoni dhe ndryshoni çfarëdo aspekti të kodit bazë të shtojcës.
- Përshpjetoni zhvillimin me një CLI të shpejtë si rrufe.
Platforma bazë është provuar në mënyrë rigoroze dhe shpesh, nën kujdesin e një ekipi të përkushtuar të shtrirë në vende të ndryshme. Një dokumentim i plotë përditësohet me çdo hedhje në qarkullim, duke ju fuqizuar të krijoni saktësisht shitoren e kërkuar.
Bëhuni pjesë e bashkësisë sonë ndërkombëtare gjithnjë në rritje
WooCommerce-i ka një bashkësi të gjerë, të pasionuar, përkushtuar ndihmës për tregtarë që këta të kenë sukses, dhe po rritet me shpejtësi.
Ka Takime WooCommerce në pika anembanë botës te të cilat mund të merrni pjesë pa pagesë dhe madje edhe të merreni me zhvillimin e tyre. Këto veprimtari janë një rrugë e goditur për të mësuar prej të tjerëve, për të dhënë përvojën tuaj dhe për t’u lidhur me njerëz që e mendojnë njësoj si ju këtë punë.
WooCommerce-i është gjithashtu rregullisht i pranishëm në WordCamp-e anembanë rruzullit – dhe duam fort të njihemi me ju.
Jepni ndihmesë dhe përktheni
WooCommerce zhvillohet dhe mbulohet nga Automattic, krijuesit e WordPress.com-it dhe Jetpack-ut. Kemi gjithashtu qindra kontribues të pavarur, dhe gjithmonë ka vend për më tepër. Shkoni te Depoja e WooCommerce-it në GitHub, që të mësoni se si mund të përfshiheni.
WooCommerce-i është i përkthyer në shumë gjuhë, përfshi danishten, ukrainishten dhe persishten. Ndihmoni të përkthehet edhe më tej WooCommerce-i, duke shtuar gjuhën tuaj – vizitoni translate.wordpress.org.
Blloqe
Kjo shtojcë furnizon 16 blloqe.
- Filter Products by Attribute
- Products by Tag
- Best Selling Products
- Active Product Filters
- Featured Product
- Newest Products
- All Reviews
- Reviews by Category
- Reviews by Product
- Products by Category
- Product Search
- Filter Products by Price
- Featured Category
- Hand-picked Products
- Product Categories List
- On Sale Products
Instalim
Domosdoshmëritë Minimale
- Rekomandohet PHP 7.2 ose më i ri
- Rekomandohet MySQL 5.6 ose më i ri
Për një listë të hollësishme të domosdoshmërive të shërbyesit, vizitoni dokumentimin e domosdoshmërive të shërbyesit për WooCommerce.
Instalim automatik
Instalimi i automatizuar është mundësia më e lehtë — WordPress-i do të merret me shpërnguljen e kartelave, dhe s’do t’ju duhet të dilni nga shfletuesi. Që të bëhet një instalim të automatizuar të WooCommerce-it, bëni hyrjen te pulti i WordPress-it tuaj, kaloni te menuja Shtojca dhe klikoni “Shtoni të Re”.
Te lloji i fushës së kërkimeve “WooCommerce,” klikoni mandej mbi “Kërkoni Shtojca”. Pasi të na gjeni, mund të shihni hollësi të tilla si hedhja në qarkullim, vlerësime dhe përshkrim. Dhe më e rëndësishmja, mund ta instaloni! Klikoni mbi “Instaloje Që Tani”, dhe WordPress-i do ta marrë prej andej.
Instalim dorazi
Metoda e instalimit dorazi lyp shkarkimin e shtojcës WooCommerce dhe ngarkimin e saj te shërbyesi juaj përmes aplikacionit FTP që parapëlqeni. Kodeksi WordPress përmban këtu udhëzime se si të bëhet kjo.
Përditësim
Përditësimet e vetvetishme do të duhej të funksiononin rrjedhshëm, por ju këshillojmë prapëseprapë të bëni një kopjeruajtje të sajtit tuaj.
Nëse pas një përditësimi hasni probleme me faqet shitore/kategori, bëni një fshirje të permalidhjeve duke kaluar te WordPress > Rregullime > Permalidhje dhe duke klikuar mbi “Ruaji.” Kjo do të duhej t’i kthente gjërat në normalitet.
Shembull të dhënash
WooCommerce-i vjen me disa të dhëna sa për shembull që mund t’i përdorni për të parë se si duken produktet; importojeni sample_products.xml përmes importuesit të WordPress-it. Mundeni gjithashtu të përdorni importuesin CSV të pjesës bazë, ose zgjerimin tonë CSV Import Suite, që të importoni sample_products.csv
FAQ
-
Ku mund të gjej dokumentim të WooCommerce-it dhe udhërrëfyes përdoruesi?
-
Për ndihmë rreht ujdisjes dhe formësimit të WooCommerce-it, ju lutemi, referojuni Si T’ia Fillohet dhe Udhërrëfyesit për Pronar Shitoreje të Re WooCommerce.
Për ta zgjeruar apo shtuar një temë grafike WooCommerce-it, shihni codex-in tonë, si dhe Librin e Zhvilluesve të Shtojcave.
-
Ku mund të marr ndihmë ose të flas me përdorues të tjerë rreth Bazës së WooCommerce-it?
-
Nëse ngecni, mund të kërkoni ndihmë te Forumi i Asistencës për WooCommerce duke ndjekur këto udhëzime, duke u lidhur me ne përmes kanalit Slack të Bashkësisë WooCommerce, ose të postoni te grupi i bashkësisë WooCommerce në Facebook.
-
Ku mund të marr ndihmë për zgjerime që kam blerë te WooCommerce.com?
-
Për asistencë lidhur me zgjerime me pagesë nga WooCommerce.com Marketplace: së pari, shqyrtoni udhërrëfyesin për vetëshërbim diagnostikimi. Nëse problemi vazhdon, kini mirësinë të shkruani një çështje asistence përmes seksionit tonë të ndihmës. Inxhinierët tanë të përkushtuar të Lumturisë synojnë t’i përgjigjen brenda 24 orësh.
-
Kam probleme me hyrjen te WooCommerce.com – po tani?
-
Së pari, diagnostikoni probleme të rëndomtë hyrjesh duke përdorur këtë udhërrëfyes të dobishëm hap-pas-hapi. Ende s’funksionon? Lidhuni me ne.
-
A funksionon WooCommerce-i me temën time?
-
Po! WooCommerce-i do të funksionojë me çfarëdo teme, por mund të dojë ca stilizim shtesë. Nëse po kërkoni për një temë që përmban integrim të thellë me WooCommerce-in, rekomandojmë Storefront-in.
-
Si ta përditësoj WooCommerce-in?
-
Kemi një udhërrëfyes të hollësishëm mbi Si Të Përditësohet WooCommerce-i.
-
Sajti im u prish – ç’të bëj?
-
Fillojeni diagnostikimin e problemit duke përdorur udhërrëfyesin tonë të dobishëm të gjetjes së problemeve.
Nëse gabimin e vutë re pas përditësimit të një teme ose një shtojce, mund të bëhet fjalë për probleme përputhshmërie mes saj dhe WooCommerce-it. Nëse problemi u shfaq pas përditësimit të WooCommerce-it, mund të bëhet fjalë për një përplasje mes WooCommerce-it dhe një teme ose shtojce të vjetruar.
Në të dyja rastet rekomandojmë xhirimin e një testi përplasjesh duke përdorur Kontroll Shëndeti (që ju lejon të çaktivizoni tema dhe shtojca pa prekur vizitorët tuaj) ose diagnostikimin e problemit duke përdorur një sajt provash.
-
Ku mund të njoftoj të meta?
-
Njoftoni të meta te depoja WooCommerce në GitHub. Mund të na i njoftoni edhe përmes forumit të asistencës – por mos harroni të kërkoni te forumet, për t’u siguruar që gabimi s’është njoftuar ende.
-
Ku mund të kërkoj veçori të reja, tema dhe zgjerime?
-
Kërkoni veçori të reja dhe zgjerime, dhe votoni për sugjerime ekzistuese në tabelën tonë zurtare të ideve. Ekipet tona të Produktit i shqyrtojnë rregullisht kërkesat dhe i konsiderojnë me vlerë për planifikimin e produktit.
-
WooCommerce është i mrekullueshëm! A mund të kontribuoj?
-
Po, mundeni! Ejani te depoja jonë në GitHub dhe ndiqni blogun e zhvillimit, që të jeni i përditësuar me gjithçka që ndodh te projekti.
-
Ku mund ta gjej dokumentimin e API-t REST?
-
Dokumentim i Zgjeruar për API-n REST të WooCommerce-it gjeni në GitHub.
-
Pyetja ime nuk duket këtu. Ku mund të gjej më tepër përgjigje?
-
Për më tepër, shihni Pyetje të Bëra Rëndom.
Shqyrtime
Kontribues & Zhvillues
“WooCommerce” është software me burim të hapur. Në këtë shtojcë kanë dhënë ndihmesë personat vijues.
Kontribues“WooCommerce” është përkthyer në 65 gjuhë. Faleminderit përkthyesve për ndihmesën e tyre.
Përkthejeni “WooCommerce” në gjuhën tuaj.
Ju intereson zhvillimi?
Shfletoni kodin, shkarkoni depon SVN, ose pajtohuni përmes RSS-je te regjistri i zhvillimeve.
Shënime ndryshimesh
5.5.2 2021-07-22
- Fix – Add a new option allowing product downloads to be served using redirects as a last resort. #30288
- Fix – Remove unnecessary seacrh related ‘where’ clause added in the ‘post_clauses’ hook handling. #30335
- Fix – Check before calling $screen method to make sure its not null. #30277
**WooCommerce Admin – 2.4.4 & 2.4.3 & 2.4.2 **
- Fix – Fix homepage stock panel regression in 2.4.3. #7389
- Fix – Add a new low stock products endpoint to improve the performance. #7377
- Fix – Add lazy loading by checking panel open status. #7376
- Fix – Add cache-control header to low stock REST API response. #7364