الرقم الدولي المعياري ديال الكتاب
الرقم الدولي المعياري ديال الكتاب (ردمك) (بلونݣلي: International Standard Book Number (ISBN)) هو مُعَرِّف رقمي تجاري ديال الكتوبا مصمم باش يكون وحيد، يعني كل كتاب عندو رقم ديالو بوحدو.[م 1][م 2] الناشرين كيشريو الردمكات من شي فرع ديال الوكالة الدولية ديال الردمك.[1]
كل طبعة ولا طريقة نشر مختالفة ديال الكتوبا عندها ردمك ديالها الخاص (ما عدا إلى كان تنشر قبل وعاوتاني دابا رجع). مثلا طبعات كتاب إلكتروني، غلاف بالوراق، غلاف فني ديال نفس الكتاب كل وحدة غادي يكون عندها ردمك ديالها الخاص. الردمكات اللي قبل من 2007 كان فيهم عشرة الأرقام، ؤالردمكات اللي خرجو من بعد 1 يناير 2007 كلهم فيهم تلاتعش رقم. كيفاش كيتحطو الردمكات كتختالف من دولة لدولة ؤكل دولة عندها طريقتها، ؤغالبا هاد الطريقة كتكون مرتابطة بصناعة النشر فالدولة واش صغيرة ولا كبيرة.
الصيغة التعريفية اللولة ديال الردمك بانت ف1967، معتامدة على الترقيم المعياري ديال الكتاب (تمك) (Standard Book Numbering (SBN)) اللي كان فيه تسعوت الأرقام وبان ف1966. صيغة 10-أرقام ديال الردمك طوراتها المنظمة الدولية ديال المعايير (آيزو) ؤنشراتها ف1970 على أساس معيار دولي "آيزو 2108". التمك ديال 9 أرقام ممكن يتحول للردمك ديال 10 أرقام إلى زتي ليه '0' فاللول.
الكتوبا اللي كيتنشرو بشكل شخصي بعض المرات ما كيكونش عندهم الردمك. الوكالة الدولية ديال الردمك كتعطي الردمكات لبحال هاد الكتوبا كمبادرة من عندها.
معرف آخر، هو الرقم الدولي المعياري التسلسلي (ردمت) كيكون عند المنشورات الدورية بحال المجلات والجورنالات. أما الرقم الدولي المعياري ديال الموسيقى (ردمم) فكيكون عند القطع الموسيقية.[2]
ملحوظات[بدل | بدل لكود]
- ^ فبعض المناسبات، الناشرين كيعطيو واحد الردمك لشحال من كتاب بالغلط؛ الطبعة اللولة ديال ذا أولتميت ألفابيت وذا أولتميت ألفابيت ووركبوك عندهم نفس الردمك، 0-8050-0076-3. على النقيض، تقدر تلاقا(ي) واحد الكتاب بشحال من ردمك، مثلا طبعة ألمانية بلغة ساهلة ديال كتاب Emil und die Detektive عندها الردمكات 87-23-90157-8 (الدنمارك)، 0-8219-1069-8 (الميريكان)، 91-21-15628-X (السويد)، 0-85048-548-7 (المملكة المتحدة) ؤ3-12-675495-3 (ألمانيا).
- ^ فبعض الحالات، شي كتوبا كيتباعو غير كمجموعة مشاركين فعدد قليل ديال الردمكات، بحال طبعة ڤانس المضمنة االي استعملات غير جوجت الردمكات لـ44 كتاب.
عيون لكلام[بدل | بدل لكود]
- ^ "The International ISBN Agency". تطّالع عليه بتاريخ 20 February 2018.
- ^ Bradley, Philip (1992). "Book numbering: The importance of the ISBN" (PDF [245KB]). The Indexer. 18 (1): 25–26.
|
تقدر تزيد شوف بزاف د صور و معلومات ديال ISBN ف ويكيميديا كومنز. |