Napiling artikulo
Ang MariMar ay isang Pilipinong palabas na ipinalabas sa GMA Network noong Agosto 13, 2007 hanggang Marso 14, 2008 na pinagbibidahan nina Marian Rivera bilang MariMar, Dingdong Dantes bilang Sergio Santibañez, at Katrina Halili bilang Angelika Santibañez. Isinagawa ito ng GMA Network sa Pilipinas mula sa orihinal na palabas sa Mehiko na may kaparehong pamagat, ngunit may mga pagbabago sa balangkas. Pinagbidahan nina Thalía at Eduardo Capetillo ang naunang serye, na isa ring muling pagsasagawa ng seryeng LaVeganza, na nagmula din sa TeleVisa. Ang orihinal na MariMar mula sa Mexico ay ipinalabas noong taong 1997 sa RPN. Ito ay mabilis na tinangkilik ng mga Pilipino, at nagkaroon ng antas na umabot hanggang 50%. Ang seryeng ito ng Mehiko ang nagbigay kay Thalía ng kasikatan sa Pilipinas upang tangkilikin muli ng mga Pilipino ang iba pa niyang palabas tulad ng Maria Mercedes, Maria La del Barrio, at Rosalinda na umabot sa 75% na grado, na sinasabing pinakamataas na grado ng palabas sa Pilipinas. Sa unang gabing ipinalabas ang MariMar noong Agosto 13, 2007, nakakuha ng mataas na marka ang palabas na mayroong 36.6% (ayon sa pagsusuri sa Kalakhang Maynila). Matapos ang isang buwan, noong Setyembre 13, 2007, nakakuha ito ng 39.3% na marka, lagpas sa 38.3% nakuha nila sa unang linggo. Noong Oktubre 5, 2007, nakuha na nila ang 40% marka. Noong Oktubre 26, 2007, nakuha naman nila ang 44.6% marka sa Kalakhang Maynila. Noong Nobyembre 19, 2007, nakuha na nila ang 49.5% marka, malapit sa markang 50% nakuha ng Mehikanong telenobelang MariMar ni Thalía.
Napiling larawan
Ang natibidad ni Jesus, natibidad ni Cristo, kapanganakan ni Cristo o kapanganakan ni Jesus ay nilalarawan sa mga ebanghelyo ng Bibliya na Lucas at Mateo. Sumasang-ayon ang dalawang salaysay na ipinanganak si Jesus sa Bethlehem sa Judea, na tinakdang ikasal ang kanyang inang si Maria sa isang lalaki na nagngangalang Jose, na nagmula sa lahi ni Haring David at hindi amang pambiyolohiya ni Jesus, at dulot ng dibinong pamamagitan ang kanyang kapanganakan. Batayan ang natibidad para sa pistang Kristiyano ng Pasko tuwing Disyembre 25, at gumaganap ito ng isang pangunahing papel sa panliturhiyang Kristiyanong taon. Maraming mga Kristiyano ang tradisyunal na pinapakita ang mga maliliit na mga belen sa kanilang mga tahanan na isinasalarawan ang eksena sa natibidad, o dumadalo sa mga Palabas ng Natibidad o mga Paskong pagtatanghal na nakatuon sa siklo ng natibidad sa Bibliya. Ang pinainam na mga pinapakitang natibidad na tinatawag na "mga eksenang creche", na tinatampukan ng mga estatwang kasing-laki ng tao, ay isang tradisyon sa panlupalop na mga bansang Europeo tuwing Kapaskuhan.
May-akda ng larawan: Uoaei1
|
Mga kasalukuyang pangyayari
![Prince Philip in Berlin 2015 (cropped).JPG](//webcf.waybackmachine.org/web/20210430155042im_/https://upload.wikimedia.org/wikipedia/commons/thumb/9/98/Prince_Philip_in_Berlin_2015_%28cropped%29.JPG/131px-Prince_Philip_in_Berlin_2015_%28cropped%29.JPG)
- Umabot na sa higit 1 milyong mga naitalang kaso ng Covid-19 ang Pilipinas noong Abril 26 (lunes) matapos mapabilang ang halos 8,930 na mga bagong kaso sa loob ng isang araw. Ang kabuuang bilang ay umabot na sa 1,006,428 kung saan 74,623 (7.4%) ang mga aktibong kaso at 914,952 (90.9%) ang mga gumaling. 16,853 pa lang ang mga naitalang nasawi dahil sa sakit.
- Pumanaw si Prinsipe Philip ng Edinburgh (nakalarawan) ng Reyno Unido sa edad na 99, dalawang buwan bago ang kanyang ika-100 kaarawan sa Hunyo 10. Siya ang pinakamatagal na naglingkod bilang konsorte ng monarkiya sa Reyno Unido at kabiyak ni Elizabeth II. Matapos nito, sinimulan na ang Operation Forth Bridge bilang pag-aksyon sa kanyang pagbuburol.
- Ipinabatid ng pamahalaan ang enhanced community quarantine (pinag-ibayong kuwarentenang pampamayanan) sa Maynila at apat na mga karatig bayan nito bilang tugon sa tumataas na bilang ng COVID-19 sa Pilipinas. Kabilang dito ang curfew mula 6:00 p.m. hanggang 5:00 a.m sa loob ng isang linggo, mula Marso 29 hanggang sa Abril 4.
- Mga protesta sa Myanmar ng 2021: Napatay ng militar ang higit sa 114 kontra-kudeta habang nagdiwang ang pinuno ng junta na si Min Aung Hlaing ng Araw ng Hukbong Sandatahan at ipinangako na "ipagsanggalang ang mga tao upang magpunyagi para sa demokrasya." Simiklab ang mga protesta sa buong bansa sa kabila ng isang babala ng estadong telebisyon na ang mga nagproprotesta ay maaring "barilin sa ulo at likuran."
- Naharang ang Kanal ng Suez sa parehong direksyon pagkatapos sumadsad sa hilaga ng Daungan ng Suez sa Ehipto ang kargamentong barko na Ever Given na nakarehistro sa Panama.
- 8,019 mga bagong kaso ng COVID-19 ang naitala ng Kagawaran ng Kalusugan sa Pilipinas na umabot sa kabuuang kaso na 671,792. Ito ang pinakaunang bugso na lumagpas mula sa dating pinakamataas noong Agosto 10, 2020 na 6,958 at may kabuuang bilang na 136,638.
Alam ba ninyo
|