2016
Naar navigatie springen
Naar zoeken springen
2013 - 2014 - 2015 - 2016 - 2017 - 2018 - 2019
't Joar 2016 is e schrikkeljoar die begunt ip e vrydag. 't Is 't 16e joar in d' 21e êeuwe volgenst de christelyke joartellienge.
Gebeurtenisn[bewerkn | brontekst bewerken]
![](http://webcf.waybackmachine.org/web/20210415114623im_/https://upload.wikimedia.org/wikipedia/commons/thumb/0/09/Gaziosmanpa%C5%9Fa_meydan%C4%B1_protesto.jpg/220px-Gaziosmanpa%C5%9Fa_meydan%C4%B1_protesto.jpg)
Volksprotestn teegn de stoatsgrepe in Turkeye
![](http://webcf.waybackmachine.org/web/20210415114623im_/https://upload.wikimedia.org/wikipedia/commons/thumb/0/00/Donald_and_Melania_Trump.jpg/220px-Donald_and_Melania_Trump.jpg)
Donald Trump wint d' Amerikoansche presidentsverkieziengn
- januoari
- Holland is vanof 1 januoari toet 30 juni vôorzitter van d' Europeesche Unie.
- In Brussel is 't vierwerk vo Nieuwjoar ofgelast deur de terreurdreigienge.
- Ip nieuwjoarsnacht wordn in Keuln mêerdere vrouwn angerand en bestooln deur e grôte groep vintn van Nôord-Afrikoansche origine. Ook in andere Duutsche steedn gebeurt 't zelfste.
- 2 - Saoedi-Arabië executeert 47 menschn, woaroender de sjiitische gêestelykn Nimr al-Nimr.
- 4 - Saoedi-Arabië verbrikt de diplomatieke bandn met Iran. Anleidienge doavôorn is de bestormienge van de Saoedische ambassade in Teheran deur roaznde Iraneezn deur d' execuusje van Nimr al-Nimr.
- 6 - Nôord-Korea zegt dan ze mè succes e test met e woaterstofbomme uutgevoerd hèn. De kernproef wordt deur hêel de weireld styf verôordêeld, moa der zyn ook twyfels of da 't wel klopt.
- 7 - In Parys schiet de poliesje e vint dôod die 't poliesjebureau wilde binnvaln, dag ip dag e joar achter den anslag ip 't satirisch weekblad Charlie Hebdo. Hy riep 'Allah akbar' en droeg e mes, e valsche bomgordel en e papier met de vlagge van Islamitische Stoat (IS).
- 8 - Drie gewoapnde vintn bestormn hotel Bella Vista in Hurghada, Egypte. Drie toeristn geroakn gekwetst. Êen van d'anvallers wordt dôodgeschootn deur veiligheidspersonêel, d'andere zyn ipgepakt.
- 8 - In 't WZC Lacourt in Ostende viert Alice Corveleyn eur 111ste verjoardag. Z'is doamee d' oudste vrouwe in België.
- 12 - By 'n oentploffienge ip 't Sultanahmetpling in 't historisch en toeristisch centrum van de Turksche stad Istanbul valn 10 dôoie, allemolle Duutsche toeristn. Volgens de Turksche media wyst alles in de richtienge van e zelfmôordterrorist en is 't meugelyk dat Islamitische Stoat (IS) derachter zit.
- 14 - By verschillige terroristische ansloagn in d' Indonesische hoofdstad Jakarta valn zeevn dôoie, woaroender vuuf terroristn. Terreurgroep IS eist d' ansloagn ip.
- 15 - Wikipedia bestoat 15 joar.
- 15 - D' Hollandsche gemêente Maastricht en de Duutsche gemêente Aken zetn tegoare juridische stapn teegn de Belgische kerncentrale Tihange. Ze vroagn an de rechter vo d' oude kerncentrale te sluutn in verband met de veiligheid.
- 21 - By e bomanslag by de Piramiedn van Gizeh in d' Egyptische hoofdstad Caïro stervn zes menschn.
- 23 - De gouverneur van den Amerikoansche stoat New York roept de nôodtoestand uut in verband met de zwoare snêeuwstorm an d' ôostkust van de Verênigde Stoatn woaby dan der zeker twientig dôoie zyn.
- 26 - E mêerderheid in 't Deens parlement keurt 't plan goed van de Deensche regerienge vor asielzoekers te loatn meebetoaln mè contant geld en bijous vor under ipvang.
- 28 - De Duutsche stad Aken en d' Hollandsche gemêentn Heerlen, Maastricht en Kerkrade stapn tegoare noa de rechter en noa de Road van Stoate vo de Belgische kernreactor Tihange 2 te loatn sluutn.
- februoari
- 1 - De regeriengn van België en Frankryk goan beter t'hopewerkn ip gebied van terrorismebestrydienge.
- 1 - De Weireldgezoendheidsorganisoasje roept de nôodtoestand weireldwyd uut over de verspreidienge van 't zikavirus.
- 2 - D' Amerikoansche presidentskandidoate Hillary Clinton wint de vôorverkieziengn by de Democroatn in de stoat Iowa met e styf klêene vôorsproeng (0,2%). By de Republikeinn wint Ted Cruz.
- 5 - De Weireldgezoendheidsorganisoasje woarschuwt vor ip reize te goan noa Latyns-Amerika in verband mè 't zikavirus.
- 5 - De Belgische federoale regerienge werkt an e plan teegn tentekampn vo vluchteliengn an uze Vlamsche Kust lyk in Duunkerke en Calais in Frankryk,.
- 6 - E lawine in d' Ôostnryksche Alpn kost 't leevn an zeker vuuf menschn.
- 7 - Nôord-Korea lanceert noar eign zegn e langeofstandsrakette, die e satelliete in e boane roend d' Eirde zou gebrocht èn. Noar anleidienge doavan komt de Veiligheidsroad van de Verênigde Noaties in e spoedzittienge by mekoar.
- 8 - Chinees Nieuwjoar - Begun van 't Joar van den Oap.
- 8 - Verschillige parkn en busschn in Vloandern zyn geslootn deur zwoar stormweer. Ook vele evenementn zyn ofgelast, lyk de kiendercarnavalstoet en de biertente in Blanknberge. Ook de moandagstoet in Aalst is den êeste kêe sedert 25 joar ofgelast.
- 9 - By e frontoale botsienge tusschn twêe regionoale trings in de Duutsche dêelstoat Beiern valn zeker tien dôoie en 150 gekwetste.
- 10 - 't Amerikoans Hooggerechtshof stemt teegn 't klimoatplan van president Barack Obama vo de CO2-uutstôot deur Amerikoansche stêenkoolcentrales in te perkn.
- 11 - Twêe detectoorn van de LIGO Scientific Collaboration èn 't bewys geleevrd vo 't bestoan van zwoartekrachtgolvn, die deur Albert Einstein woarn vorspeld.
- 13 - Turkeye beschiet Koerdische doelwitn in 't nôordn van Syrië ols vergeldienge vo 't beschietn van Turksche grenspostn deur oender andere Koerdische stryders.
- 14 - By e verkêersaccident in Zweedn veroengelukn de vier leedn van de Britsche rockgroep Viola Beach en under manager.
- 15 - By verschillige raketanvaln ip vuuf kliniekn en twêe schooln in 't nôordn van Syrië valn der circa viftig dôoie.
- 16 - De Syrische regerienge gift toeloatienge an de Verênigde Noaties vo hulpkonvooin te zendn noa zeevn plekn in 't land, woar da d' inweuners te kampn èn met hoengersnôod.
- 17 - By e bomanslag in 't centrum van de Turksche hoofdstad Ankara komn der zeker 28 menschn an under ende. De Koerdische militante groep TAK eist den anslag ip.
- 18 - In Brussel begunn d' oenderhandeliengn tusschn 't Verênigd Keunienkryk en d' Europeechse Unie over de vier eisn van de Britsche êeste minister David Cameron die e Brexit zoun moetn teegngoan.
- 19 - By Amerikoansche bombardementn ip een IS-kamp in Libië valn der mêer of dertig dôoie.
- 20 - Den Britschn êeste minister Cameron makt bekend da 't Brexit-referendum goa g'houdn wordn den 23ste juni.
- 22 - Rusland en de Verênigde Stoatn komn overêen dat e woapnstilstand in Syrië zoaterdag om middernacht lokoaln tyd moet ingoan.
- 23 - De Syrische president Assad goat in principe akkôord met de woapnstilstand in Syrië die deur de Verênigde Stoatn en Rusland overêengekomn is.
- 23 - 't Belgisch energiebedryf Electrabel legt kernreactor Tihange1 stille deur probleemn an e loadiengspompe.
- 26 - De Zwitser Gianni Infantino is verkoozn toet nieuwe vôorzitter van de weireldfoetbolboend FIFA. Hy volgt doamee Sepp Blatter ip.
- 27 - De Vlamsche coureur Greg Van Avermaet wint de koers Omloop Het Nieuwsblad.
- 28 - De Vloamienk Jasper Stuyven wint de koers Kuurne-Brussel-Kuurne.
- 29 - Schrikkeldag.
- moarte
- 1 - De Vlamsche energieheffienge ofte den Turteltaks goat in voege. 't Dient surtout vo 't ofbouwn van de schuldn deur groenestroomcertificoatn te financiern. Vo de mêeste menoages bedroagt die bydroage ip de stroomfacteure €100.
- 1 - Kris Declercq volgt Luc Martens ip ols burgemêester van Roeseloare.
- 2 - D' Amerikoansche presidentskandidoatn Hillary Clinton en Donald Trump winn de vôorverkieziengn ip Super Tuesday.
- 4 - De Belgische regerienge zet 't leger in vo de drie kerncentrales (Doel, Mol en Tihange) te bewoakn.
- 18 - Terreurverdachte Salah Abdeslam is ipgepakt en g'arresteerd in Brussel.
- 22 - By terreuransloagn ip de vlieghoavn in Zoaventem en de Brusselsche metro Maalbeek valn e stik of 30 dôoie en mêer of hoenderd gekwetste. D'ansloagn wordn ipg'eist deur terreurgroep IS.
- 23 - De EU-ministers komn t'hope vo d' ansloagn in België te bespreekn.
- 24 - De West-Vlamsche Wikipedia bestoat 10 joar.
- 24 - 't Syrisch regeriengsleger trekt de ruïnestad Palmyra binn.
- 24 - 't Joegosloavië-tribunoal verôordêelt Radovan Karadžić toet vêertig joar gevang vo de genocide binst de Joegosloavische oorloogn.
- 25 - Openienge van Wildlands Adventure Zoo Emmen in Holland.
- 25 - 't Syrisch regeriengsleger herovert e dêel van de ruïnestad Palmyra ip de terreurgroep IS mè Russische luchtsteun.
- 27 - D' Italioansche poliesje pakt een Algerien ip die dervan wordt verdacht pasports vervalst t' èn vo de plegers van d' ansloagn in Parys en Brussel.
- 27 - By e zelfmôordanslag teegn christenn in de Pakistoansche stad Lahore valn zeker tjeevntig dôoie.
- april
- 3 - 't Vliegpling van Zoavntem goat vo de êeste kê were oopn sedert d' ansloagn van 22 moarte, met drie vluchtn noar Athene, Faro en Turyn.
- 10 - E zwoare eirdbevienge met e kracht van 7.1 ip de Schoale van Richter treft 't grensgebied tusschn Afghanistan en Pakistan.
- 20 - D' Amerikoansche presidentskandidoatn Hillary Clinton (Democroatn) en Donald Trump (Republikeinn) winn de vôorverkieziengn in de stoat New York.
- 21 - De Belgische kernreactor Doel 1 ligt zeker toet den 31e meie stille deur e defect.
- 27 - België levert den terreurverdachtn Salah Abdeslam uut an Frankryk. Je wordt verdacht van meegedoan t' èn an d' ansloagn in Parys van november 2015.
- 30 - In de Verênigde Stoatn valt er een êestn dôoin deur 't zikavirus. Je sterft in Puerto Rico.
- meie
- 6 - De Schotsche nationalistische partie Scottish National Party (SNP) wint de verkieziengn vo 't Schots parlement.
- 6 - De Labour-pollitieker Sadiq Khan wint de verkieziengn vo 't burgemêesterschap van Londn. Je wordt den êerstn islamitischn burgemêester van een Europeeschn hoofdstad.
- 14 - Oekraïne wint d' 61e ediesje van 't Euroviezjesongfestival in Stockholm. 't Liedje 1944 goat over de deportoasje van de Krim-Tartoarn in 1944 en zorgt vo vele ambras in Rusland.
- 15 - De West-Vlamsche foetbalclub Club Brugge wordt vo de 14e kê kampioen van België achter 11 joar.
- juni
- 16 - D' Iengelsche politica Jo Cox wordt dôodgeschootn.
- 23 - In 't Verênigd Keunienkryk wordt e referendum g'houdn over 't Brits EU-lidmoatschap. E mêerderheid van 5I,9% stemt vo de brexit.
- 24 - David Cameron makt zyn oentslag bekend ols êeste minister van 't Verênigd Keunienkryk.
- juli
- Slovakeye is van 1 juli toet 31 december vôorzitter van d' Europeesche Unie.
- 1 - Letland wordt lid van de OESO (Organisoasje vor Economische Soamnwerkienge en Oentwikkelienge).
- 14 - E camiong rydt toeschouwers omverre ip de Promenade des Anglais in Nice by e vierwerkshow ter êre van Quatorze Juillet. Der valln 86 dôoie en vierhoenderd gekwetste.
- 15 - Mislukte stoatsgrepe in Turkeye deur e dêel van de Turksche strydkrachtn.
- ogustus
- 5 toet 21 - Olympische Zomerspeeln in Rio de Janeiro.
- 24 - Eirdbevienge in Middn-Italië met e kracht van 6,2 ip de Schoale van Richter.
- september
- 4 - Moeder Teresa wordt heilig verkloard door Paus Franciscus ols Teresa van Calcutta.
- oktober
- 15 - Ip de UNEP-top (VN-milieuprogram) in Kigali (Rwanda) bereikn oenderhandeloars van bykan 200 landn een akkôord vo 't gebruuk van hfk's (fluorkoolwoaterstoffn) uut te bann.
- november
- 8 - Donald Trump wint d' Amerikoansche presidentsverkieziengn.
- 21 - Nicolas Sarkozy, oud-president van Frankryk, is in d' êeste roende van de vôorverkieziengn van zyn partie Les Républicains al uutgeschoakeld.
- december
- 9 - Geert Wilders, den Hollandsche PVV-leider (Partij voor de Vrijheid), wordt gedêeltelik schuldig bevoendn in 't 'minder Marokkoann'-proces.
- 19 - Anslag ip e kerstmarkt in Berlyn met e camiong, ipg'eist deur Islamitische Stoat (IS). Der valln twoalf dôoie.
- 19 - Binst e toesproake wordt Andrej Karlov, de Russischn ambassadeur van Turkeye, dôodgeschootn deur e poliesje-agent in burger.
- 23 - De VN-Veiligheidsroad keurt e resoluusje goed teegn de bouw van Israëlitische nederzettiengn ip Palestyns groendgebied.
Geboorn[bewerkn | brontekst bewerken]
Gestorvn[bewerkn | brontekst bewerken]
- januoari
- 2 - Michel Delpech (69), Fransche zanger
- 10 - David Bowie (69), Iengelsche zanger en muzikant
- 31 - Terry Wogan (77), Iers Britsche tv-presentateur
- februoari
- 6 - Eddy Wally (83), Vlamsche zanger
- 7 - Berre Bergen (53), Vlamsche muzikant van The Scabs en De Kreuners.
- 9 - André van den Heuvel (88), Hollandschn acteur
- 16 - Boutros Boutros-Ghali (93), Egyptische politieker, secretoaris-generoal van de Verênigde Noaties
- 19 - Harper Lee (89), Amerikoansche schryfster
- 19 - Umberto Eco (84), Italioansche schryver
- 21 - Jean-Pierre Detremmerie (75), Belgische politieker en burgemêester van Moeskroen
- 28 - Didier Bellens (60), Belgischn oendernemer
- moarte
- 6 - Nancy Reagan (94), Amerikoansche actrice en first lady
- 24 - Johan Cruijff (68), Hollandsche foetbollist en trainer
- juni
- 3 - Muhammad Ali, Amerikoanschn bokseur
- juni
- 4 - Paul Van Grembergen (78), Vlamsche politieker
- 20 - Benoîte Groult (96), Fransche schryfster
- 28 - Theo Dilissen (62), Vlamschn oendernemer en basketter
- juli
- 2 - Elie Wiesel (87), Amerikoansche schryver en overleevndn van den Holocaust
- 25 - Paskal Deboosere (53), Vlamsche presentatrice
- ogustus
- 13 - Françoise Mallet-Joris (86), Belgisch-Fransche schryfster
- 22 - Toots Thielemans (94), Belgische jazzmuzikant en componist
- 25 - Sonia Rykiel (86), Fransche mode-oentwerpster
- oktober
- 11 - Roger Blanpain (83), Belgischn hooglêeroare en politieker
- 20 - Mieke Telkamp (82), Hollandsche zangeresse
- 24 - Bobby Vee (73), Amerikoansche zanger en acteur
- november
- 2 - Oleg Popov (86), Russische clow
- 2 - Jean Trappeniers (74), Belgische foetballist
- 6 - Marc Sleen (93), Vlamsche striptêeknoare
- 7 - Leonard Cohen (82), Canadeeschn dichter, zanger-liedjesschryver
- 11 - Robert Vaughn (83), Amerikoanschn acteur
- 25 - Fidel Castro (90), Cuboansche politieker en revolutionair
- 25 - David Hamilton (83), Britsche fottograaf en regisseur
- december
- 2 - Paul de Wispelaere (88), Vlamsche schryver en hooglêeroare
- 8 - Peter van Straaten (81), Hollandsche cartoonist en striptêeknoare
- 16 - Eric Defoort (73), Vlamsche politieker
- 18 - Zsa Zsa Gábor (99), Hongaars-Amerikoansche actrice
- 20 - Michèle Morgan (96), Fransche actrice
- 25 - George Michael (53), Britsche zanger, liedjesschryver en ploateproducer
- 28 - Debbie Reynolds (84), Amerikoansche actrice en zangeresse
![]() |
Ofbeeldiengn die ier by passn ku je vien in de categorie 2016 van Wikimedia Commons. |