Collita
A collita ye l'acción de cullir as partz que s'aproveitan d'as plantas cautivadas una vegada que ya se pueden minchar, procesar u tienen valura comercial. Estas partz pueden estar simients, fruitos, fuellas, tallos, radices u dica estambres, pero por un regular a collita ye de simients (en o caso d'os cerials), y de fruitos maduros, por eixemplo en os árbols fruitals.
En l'agricultura tradicional a collita a fin d'o creiximiento u a fin d'a maturación d'un fruito, seguindo os ciclos estacionals y por ixo quan se contimpara a collita d'un anyo concreto con la d'atros, quan se fa una valoración d'a collita d'un anyo,u quan mos referimos a la collita d'un anyo concreto se diz anyada, y tamién s'aplica a los productos que se fan con a collita d'ixe anyo, especialment en o caso d'os vins. A collita de graminias y plantas anyals se fa quan a planta ye seca. A collita d'a fruita se fa totz os anyos en os meses en os que a fruita ye matura, encara que en l'agricultura moderna se pueda cullir a fruita encara verda pa que mature dimpués, en casa por eixemplo.
Etimolochía[editar | editar código]
A parola collita provién d'o latín COLLĚCTA y ye una parola patrimonial aragonesa común con o catalán. Entre as pocas variants de l'aragonés que la conservan tenemos o baixorribagorzán. A collita referida d'a uga se diz "vendema".