ಸ್ವಂತಿಕೆ
ಕಾವ್ಯದಲ್ಲಿರಬೇಕು ಜೀವಂತಿಕೆ ಕವಿಯಲ್ಲಿರಬೇಕು ಪ್ರತಿಭೆ – ಸ್ವಂತಿಕೆ *****
ನಿನ್ನ ತುಂಟಾಟಕ್ಕಿಂತ ಹಿತವಾದ ತಂಗಾಳಿ ಹೊಂಗೆ ಮರದ ಮಡಿಲಲ್ಲೂ ಸೋಕಲಿಲ್ಲ *****
ಹಸಿವು ರೊಟ್ಟಿಗಳು ಒಂದಕ್ಕೊಂದು ಪೂರಕ ಹೀಗೆಂದೇ ಒಂದನ್ನೊಂದು ನಿಯಂತ್ರಿಸುತ್ತವೆ. ರೊಟ್ಟಿ ಅಪೂರ್ಣವಾದರೆ ಹಸಿವೂ ಅಪೂರ್ಣ ಹಸಿವು ಪೂರ್ಣವಾದರೆ ರೊಟ್ಟಿ ಪರಿಪೂರ್ಣ. *****
ಎಲ್ಲೋ ಕಳಕೊಂಡ ಖಾಲಿ ಪುಟವ ನಿನ್ನ ಕಣ್ಣಲ್ಲೇ ಹುಡುಕುವ ಹಟವ ಕೊಂದುಬಿಡಬೇಕೆಂದಿದೇನೆ ಗೆಳತಿ, ಎಲ್ಲರಂತೆ ಬದುಕುವ ಚಟವ ನನ್ನದಾಗಿಸಿಕೊಳ್ಳುವ ಸಲುವಾಗಿ! *****
ಹಸಿವಿನ ನಿರಂಕುಶಕ್ಕೆ ಭಾಷೆ ಇಲ್ಲ ಅರ್ಥವಿಲ್ಲ ವಿವರಣೆಯೂ ಇಲ್ಲ ಅನುಭವ ವೇದ್ಯ. ರೊಟ್ಟಿಯ ಘನತೆಗೆ ಬೆಲೆಯಿಲ್ಲ ಅಳತೆಯಿಲ್ಲ ಅಸ್ತಿತ್ವವೇ ನಗಣ್ಯ. *****
ಕತ್ತಲೆಯೊಳಗೆ ಕಳಚಿ ಬಿದ್ದವನಿಗೆ ಮಿನುಗುವ ಚುಕ್ಕಿ ಅವಳ ನೆನಪು *****