Hawaii
Hawaii State of Hawaii (en) Mokuʻāina o Hawaiʻi (haw) |
||||||
---|---|---|---|---|---|---|
Ameriketako Estatu Batuetakoko estatua | ||||||
|
||||||
Goiburua: Ua Mau ke Ea o ka Aina i ka Pono | ||||||
Hiriburua eta hiri handiena | Honolulu | |||||
Gobernua | ||||||
- | Gobernadorea | Linda Lingle | ||||
- | Senatariak | Daniel Inouye (D) Daniel Akaka (D) |
||||
Azalera | ||||||
- | Guztira | 29,311 km2 |
||||
Biztanleria | ||||||
- | Zenbatespena (2007) | 1 362 000 bizt. | ||||
- | Dentsitatea | 72,83 bizt./km2 | ||||
ISO 3166 kodea | US-HI | |||||
Webgunea http://www.hawaii.gov |
Hawaii[1] Ameriketako Estatu Batuetako estatu bat da, AEBko 50 estatuetan berriena. Polinesiako uhartedi bat da, Ozeano Bareko ipar-erdialdean kokatua, Kantzer tropikotik hegoaldera. Sandwich uharteak izena izan zuen garai batean.
Honolulu da hiriburua.
Populazioa[aldatu | aldatu iturburu kodea]
Gaur egun, jatorrizko biztanle polinesiarrak biztanle guztien % 1,5 eta mestizoak % 13,5 besterik ez dira, eta kanpotik etorritako talde jendetsuenak, berriz, japoniarrak (% 30), kaukasoarrak (% 30) eta filipinarrak (% 11) dira. Honolulun biltzen da biztanleen % 82.
Orografia[aldatu | aldatu iturburu kodea]
Koralezko hogei uhartetik gora daude uhartedian, ipar-mendebaletik hego-ekialdera lerrokaturik. Zortzi hauek dira aipagarrienak: Niihau, Kauai, Oahu, Molokai, Lanai, Kahoolawe, Maui eta Hawaii. Guztiek jatorri bolkanikoa dute; Mauiko Haleakala sumendiak munduko krater itzalirik zabalena du. Hawaii uhartean, garaiera handiena duen sumendia itzalita dago: Mauna Kea (4.208 m). Kilauea sumendiak du uharteko kraterrik handiena. Mauna Loa (4.170 m), berriz, laba-alderik zabalena (5.120 km² inguru). Erupziorik sonatuenak: Mauna Loa (1832tik aurrera hiru urte eta erdian behin; 1914, 1935, 1950, 1975, 1984), Kilauea (1924, 1954, 1960).
Klima[aldatu | aldatu iturburu kodea]
Tropikala: euri-jasa handiak tarteka, eta eguzkitsua oro har. Ipar-ekialdeko alisioak eta uharteen garaierak latitudeari legokiokeena baino klima hotzagoa eragiten dute, eta tenperatura-gorabeherak berdintzen.
Ekonomia[aldatu | aldatu iturburu kodea]
Nekazaritza eta turismoa dira ekonomiaren oinarriak. Honolulu inguruan munduko turismogunerik handienetako bat dago (2,8 milioi bisitari urteko). Ekoizpen nagusiak azukre-kanabera eta anana dira. Eskulangintza, guztiz teknifikatua, enpresa handi gutxi batzuen eskuetan dago. Abere-hazkuntza, kafea, lore-ekoizpena eta arrantza garrantzi gutxiagokoak dira, baina hango premiak asetzeko adinakoak.
Historia[aldatu | aldatu iturburu kodea]
James Cookek uhartedia aurkitu zuenean (1788), lau erreinutan zatitua zen. Handik gutxira, Kamehameha I.a (1782–1819 bitartean errege) ia lurralde osoaz jabetu zen, eta administrazio bakarra ezarri zuen. Erregetzak 1893 arte iraun zuen. Bitartean, potentzia kolonialen arteko gatazkak bizi izan ziren Hawaiin, AEBko, Frantziako eta Britainia Handiko misiolariek, merkatariek, diplomazialariek eta abarrek esku hartzen baitzuten bertako arazoetan.
1893an, atzerritarrek osaturiko batzorde batek Liliuokalani erregina egotzi, eta 1898an AEBen mendeko lurralde bihurtu zen. 1922tik aurrera, berebiziko garrantzia izan zuen uhartediak, AEBko armadaren Ozeano Bareko ardatz bihurtu baitzen Pearl Harbour basea. 1941eko abenduaren 7an, Japoniako armadak Pearl Harbourko gerra-portua bonbardatu zuen. Galera gogorrak eragin zizkieten estatubatuarrei, eta, horren ondorioz, AEB zuzenean gerran sartu zen. 1959an, Hawaii AEBko estatu bihurtu zen; 50.a, hain zuzen.
Uharteak[aldatu | aldatu iturburu kodea]
Uhartedia ekialdetik mendebaldera honako uharteek osatzen dute:
Hawaiiar ospetsuak[aldatu | aldatu iturburu kodea]
- Barack Obama (1961-), politikaria, Ameriketako Estatu Batuetako lehendakaria 2009tik 2017raino.
- Frank Ching (1943-), arkitektoa, irakaslea eta idazlea.
Ikus, gainera[aldatu | aldatu iturburu kodea]
Erreferentziak[aldatu | aldatu iturburu kodea]
- ↑ Euskaltzaindia. (2013-07-13). 169. araua: Ozeaniako toponimia. .
Kanpo estekak[aldatu | aldatu iturburu kodea]
- (Ingelesez) Hawaiiko web gune ofiziala
- (Ingelesez) Hawaiik estatu independentea behar lukeela aldarrikatzeko webgunea
|
|