1931
Springe nei navigaasje
Springe nei sykjen
Iuwen: | 15e | 16e | 17e | 18e | 19e | 20e iuw | 21e | 22e | 23e | 24e | 25e |
Jierren: | 1926 | 1927 | 1928 | 1929 | 1930 | 1931 | 1932 | 1933 | 1934 | 1935 | 1936 |
Kalinders | |
Gregoriaanske kalinder |
1931 MCMXXXI |
Ab urbe condita | 2684 |
Armeenske kalinder | 1380 ԹՎ ՌՅՁ |
Etiopyske kalinder | 1923 – 1924 |
Hebriuwske kalinder | 5691 – 5692 |
Hindoekalinders | |
- Vikram Samvat | 1986 – 1987 |
- Shaka Samvat | 1853 – 1854 |
- Kali Yuga | 5032 – 5033 |
Iraanske kalinder | 1309 – 1310 |
Islamityske kalinder | 1350 – 1350 |
Juliaanske kalinder |
Gregoriaansk min 13 dgn. |
Sineeske kalinder | 4627 – 4628 丁午 – 戊未 |
1931 is in gewoan jier dat begjint mei in tongersdei. (Gregoriaanske kalinder foar 1931.)
Dit jier makket ûnderdiel út fan it desennium fan 'e 1930-er jierren.
Foarfallen[bewurkje seksje | boarne bewurkje]
- 19 jannewaris - Yn Londen mislearret de earste rûnetafelkonferinsje oer de takomst fan Britsk-Ynje trochdat it Yndysk Nasjonaal Kongres wegeret om oan te skowen salang't syn foaroanman Mahatma Gandhi troch de Britten fêstholden wurdt.
- 25 jannewaris - De Britsk-Yndyske foaroanman Mahatma Gandhi wurdt frijlitten út Britske finzenskip (nei't er oppakt wie fanwegen syn ynbrek op it sâltmonopoalje fan 'e Britske oerheid yn Ynje).
- 17 febrewaris - Yn Britsk-Ynje fine de earste besprekkings plak tusken Lord Irwin, de Britske ûnderkening, en de lânseigen lieder Mahatma Gandhi.
- 30 febrewaris - Komt as datum foar yn 'e Revolusjonêre kalinder fan 'e Sovjet-Uny.
- 5 maart - Yn Britsk-Ynje slute Lord Irwin, de Britske ûnderkening, en de lânseigen lieder Mahatma Gandhi it Irwin-Gandhi-pakt. Neffens dy oerienkomst jout Gandhi syn Yndysk Nasjonaal Kongres foarearst de striid foar ûnôfhinklikheid op en wurdt de kampanje fan boargerlike oerhearrigens stillein. De Britten litte alle finzen nommen aktivisten frij, betelje skealeasstellings út oan lju dy't ûnder harren hurde optreden te lijen hân hawwe, en stelle harren iepen op by nije ûnderhannelings oer mear Yndysk selsbestjoer.
- 5 maart - Yn it Feriene Keninkryk rjochtet sir Oswald Mosley de Nije Partij op, de earste faksistyske politike partij yn dat lân.
- 1 april - By in swiere ierdbeving yn Nikaragûa wurdt de haadstêd Managua fierhinne ferwoastge. Der falle mear as 2.000 deaden.
- 14 april - Nei in grutte ferkiezingsoerwinning fan 'e linkse, republikeinske partijen yn Spanje nimt de ympopulêre kening Alfûns XIII de wyk nei Frankryk. Syn tsjinstanners beskôgje dat as in de facto abdikaasje, en roppe de Twadde Spaanske Republyk út
- 3 maaie - Yn New York komt it Empire State Building ree, it heechste gebou fan 'e wrâld.
- 10 juny - Noarwegen beset East-Grienlân. Dit liedt ta in konflikt mei Denemark.
- 27 july - By in steatsgreep yn Sily wurdt diktator Carlos Ibáñez del Campo ôfset, dy't útwykt nei Argentynje. Neitiid falt Sily ta proai oan in perioade fan folsleine anargy.
- 2 augustus - By it in referindum sprekt mear as 99% fan 'e befolking fan Kataloanje him út foar autonomy binnen de Twadde Spaanske Republyk.
- 12 augustus - By wettersneed yn Sina oerstreamt de rivier de Jangtse. Der komme 8.000 minsken om.
- 25 augustus - Yn it Feriene Keninkryk foarmet premier Ramsay MacDonald in regear fan nasjonale ienheid yn ferbân mei de oangeande ekonomyske krisis.
- simmer - De Twadde Koerdysk-Arabyske Oarloch brekt út yn noardlik Irak.
- 18 septimber - By it Mukden-ynsidint yn 'e neite fan 'e Sineeske stêd Mukden (no: Shenyang) wurdt in bomoanslach útfierd op in spoarline yn súdlik Mantsjoerije, dy't ûnder Japansk tafersjoch stiet.
- 19 septimber - Nei oanlieding fan it Mukden-ynsidint docht Japan in ynfal yn noardeastlik Sina en begjint mei de besetting fan Mantsjoerije.
- 11 oktober - Yn Dútslân foarmje in stikmannich ekstreem-rjochtse organisaasjes, wêrûnder de NSDAP, by in reuseftige demonstraasje yn Bad Harzburg it Harzburger Front.
- 14 oktober - Yn Spanje wurdt de skieding tusken tsjerke en steat ynfierd.
- 24 oktober - Maffiabaas Al Capone wurdt yn 'e Feriene Steaten foar belestingûntdûking feroardiele ta 11 jier finzenisstraf en in jildboete fan $50.000.
- 1 desimber - De twadde rûnetafelkonferinsje oer de takomst fan Britsk-Ynje einiget sûnder dat der foarútgong boekt is. De Yndyske nasjonalisten, oanfierd troch Mahatma Gandhi, bliuwe by harren minimumeask fan folslein yntern selsbestjoer, wylst de Britten dêr neat fan witte wolle.
- 1 desimber - De Sovjet-Uny skaft de Revolúsjonêre kalinder ôf.
- 10 desimber - Yn Spanje wurdt in nije, progressive grûnwet oannommen, dy't û.m. de earder ynstelde skieding fan tsjerke en steat formalisearret en de ynfiering fan it frouljuskiesrjocht regelet.
- 16 desimber - Yn Dútslân rjochtsje de sosjalistyske SPD en oare linke organisaasjes it Eiserne Front op dat him keart tsjin sawol ekstreem-rjochts as de kommunistyske KPD.
Berne[bewurkje seksje | boarne bewurkje]
- 1 febrewaris - Klaas Bruinsma, Frysk oersetter
- 12 febrewaris - Tine de Vries, Frysk reedrydster († 2014)
- 18 febrewaris - Reinier Paping, Nederlânsk maratonrider
- 23 febrewaris - Harry Langman, Nederlânsk ekonoom en politikus († 2016)
- 3 maart - Piet Bambergen, Nederlânsk akteur († 1996)
- 18 maart - Albert Rinia, Frysk keatser († 2005)
- 26 april - Cor Hoekstra (Cork), Frysk cartoonist († 1996)
- 2 maaie - Theo Sontrop, Nederlânsk dichter, letterkundige en útjouwer († 2007)
- 22 juny - Henk Vonhoff, Nederlânsk politikus († 2010)
- 7 augustus - Nils Århammar, Sweedsk taalkundige
- 22 augustus - Maurice Gee, Nijseelânsk skriuwer
- 28 augustus - Cristina Deutekom, Nederlânsk operasjongster
- 15 novimber - Jan Terlouw, Nederlânsk politikus en skriuwer
- 23 novimber - Jan J. Bijlsma, Frysk skriuwer
Ferstoarn[bewurkje seksje | boarne bewurkje]
- 14 febrewaris - Jan Paardekoper, Nederlânsk komponist, dirigint en pianist (* 1875)
- 28 febrewaris - Jetze Doorman, Frysk skermer (* 1881)
- 4 april - André Michelin, Frânsk ûndernimmer (* 1853)
- 17 july - Nicolae Paulescu, Roemeensk fysiolooch, ûntdekker fan 'e ynsuline (* 1869)
- 31 augustus - David Pendleton Oakerhater, Amerikaansk predikant (* 1847)
- 18 oktober - Thomas Edison, Amerikaansk útfiner (* 1847)
- 24 desimber - Fleanende Hauk (Flying Hawk), opperhaad fan 'e Lakota en skiedkundige (* 1854)
Jierren: | 1926 | 1927 | 1928 | 1929 | 1930 | 1931 | 1932 | 1933 | 1934 | 1935 | 1936 |
Iuwen: | 15e | 16e | 17e | 18e | 19e | 20e iuw | 21e | 22e | 23e | 24e | 25e |
Boarnen, noaten en/as referinsjes: | ||
|