1932

Die jaar 1932 was 'n skrikkeljaar wat volgens die Gregoriaanse kalender op 'n Vrydag begin het. Dit was die 32ste jaar van die 20ste eeu n.C. In teenstelling met gewone jare het die jaar 366 dae en 'n 29 Februarie gehad.

Gebeure

• James Chadwick ontdek neutrone, die neutrale boustene van die kern van ’n atoom.
• 27 Januarie – Marjorie Hingle word in ’n Johannesburgse tussenverkiesing die eerste vrou wat in Suid-Afrika stem.
• 28 Januarie – Japannese troepe beset Sjanghai in die Republiek China.
• 4-15 Februarie – Die derde Olimpiese Winterspele word in Lake Placid, Verenigde State van Amerika, aangebied.
• 24 Junie – ’n Militêre staatsgreep beëindig die mag van die koning van Siam (Thailand).
• 2 Julie – Die term ‘New Deal’ word deur president Franklin D. Roosevelt vir die eerste keer gebruik.
• 17 Julie – 'n Goederetrein met 'n vrag van 1200 ton dinamiet ontplof by Leeudoringstad in Suid-Afrika.
• 30 Julie-14 Augustus – Die tiende Olimpiese Somerspele word in Los Angeles, Verenigde State van Amerika, aangebied.
• 23 September – Hejaz en Nejd smelt saam om die Koninkryk van Saoedi-Arabië te vorm met Ibn Saud as die eerste monarg en Riaad as die hoofstad.
• 3 Oktober – Irak word van die Verenigde Koninkryk onafhanklik.
• 19 Desember – Die Britse Uitsaaikorporasie begin internasionaal uitsaai met sy Empire Service na Australië.

Geboortes

• 5 Januarie – Umberto Eco, Italiaanse skrywer en filosoof († 2016).
• 9 Januarie – Ryne de Beer, Suid-Afrikaanse musikant (Die Fluitende Predikantsvrou) († 2008).
• 9 Februarie – Daan Bekker, Suid-Afrikaanse bokser († 2009).
• 26 Februarie – Johnny Cash, Amerikaanse country-sanger († 2003).
• 27 Februarie – Elizabeth Taylor, Britse aktrise († 2011).
• 4 Maart – Miriam Makeba, Suid-Afrikaanse musieklegende († 2008).
• 4 Maart – Jackie Mekler, vyfmalige wenner van die Comrades-maraton († 2019).
• 15 Maart – Alan Bean, Amerikaanse ruimtevaarder († 2018).
• 23 Maart – Steve Mokone, voormalige Suid-Afrikaanse sokkerspeler († 2015).
• 4 April – Andrei Tarkofski, Sowjet-Russiese rolprentregisseur, filmteoretikus, toneel- en operaregisseur († 1986).
• 10 April – Omar Sharif, Egiptiese akteur († 2015).
• 27 April – Pik Botha, Suid-Afrikaanse politikus († 2018).
• 28 Mei – Chiquito de la Calzada, Spaanse akteur, komediant en sanger († 2017).
• 11 Junie – Athol Fugard, Suid-Afrikaanse dramaturg, akteur en regisseur.
• 12 Junie – Mimi Coertse, Suid-Afrikaanse koloratuursopraan.
• 12 Junie – Patrick Mynhardt, Suid-Afrikaanse akteur († 2007).
• 18 Junie – Louis Luyt, Suid-Afrikaanse besigheidsman, sportadministrateus († 2013).
• 9 Julie – John Anthony West, Amerikaanse skrywer, dosent en geologiegids († 2018).
• 11 Julie – Hans van Manen, Nederlandse balletdanser en choreograaf.
• 25 Julie – Paul J. Weitz, Amerikaanse vlootkaptein, vlieënier, lugvaartingenieur, toetsvlieënier en Nasa-ruimtevaarder († 2017).
• 2 Augustus – Peter O'Toole, Ierse akteur en bekend geraak as Lawrence of Arabia († 2013).
• 17 September – Jurgens Lambrechts, deelnemer aan Afrikaanse radio-vasvraprogramme († 2005).
• 22 September – Algirdas Brazauskas, Litause politikus en staatsman, President van Litaue († 2010).
• 19 Oktober – Robert Reed, Amerikaanse akteur, The Brady Bunch († 1992).
• 29 November – Jacques Chirac, Franse staatsman, President van Frankryk.

Sterftes

• 10 Februarie – Edgar Wallace, 'n Engelse skrywer (* 1875).
• 19 Junie – Sol Plaatje, Suid-Afrikaanse taalkenner, skrywer, joernalis en politikus (* 1876).
• 15 Julie – C.J. Langenhoven, Afrikaanse skrywer, digter en politikus (* 1873).
• 22 Julie – Reginald Fessenden, die eerste persoon wat mensestemme deur radiogolwe oorgedra het (* 1866).
• 30 Oktober – Paul Methuen, Britse krygsman (* 1845).
• 8 November – Maksimilian Wolosjin, Russies-Oekraïense digter en landskapskilder (* 1877).
• 24 November – John M. Simon, pionierbiskop van Namakwaland.
• 30 Desember – Daisy de Melcker, moordenares word gehang (* 1886).

Sien ook

• 1932 in Suid-Afrika