2015-жылдын 26-ноябрында кечинде Бишкек шаарынын "Асанбай" кичи районунда теолог Кадыр Маликовго бейтааныш эки киши бычак менен кол салып, бетке жана моюнга сайып кетишкен. Маликов шаардык 4-оорукананын реанимация бөлүмүнө алып келинген. Милиция "Перехват" планын жарыялап, кылмышка шектүүлөрдү аныктаган.
Улуттук коопсуздук мамлекеттик кызматы Жогорку Кеңештин Х.К. аттуу депутаты 100 миң доллар алып жаткан жеринен кармалганын билдирген.
Маалыматка ылайык, депутат Жогорку сотто карала турган Нариман Түлеевдин ишинин оң жагына чечилишине жардам берүү үчүн анын туугандарынан 200 миң доллар өлчөмүндө пара талап кылган.