Joel McCrea

Joel McCrea

Datu pertsonalak
Izen osoa	Joel Albert McCrea
Jaio	1905ko azaroaren 5a
	South Pasadena, Kalifornia (Ameriketako Estatu Batuak)
Hil	1990eko urriaren 20a
	Los Angeles, Kalifornia (Ameriketako Estatu Batuak)
Lan nabarmenenak	Bird of Paradise (1932) Union Pacific (1939) Foreign Correspondent (1940) Sullivan's Travels (1941) Ride the High Country (1962)
IMDB	IMDBko fitxa

Joel Albert McCrea, (1905eko azaroaren 5a - 1990eko urriaren 20a) Ameriketako Estatu Batuetako aktorea izan zen.

South Pasadenan, Kalifornian jaio zen. Pomonan ikasketak amaituta, zinemarako gogoa agertu zuen eta 1927an estra moduan hasi zen hainbat lanetan. The Jazz Age (1929) izan zen bere lehen lan garrantzitsua. Horrek MGM estudioekin sinatzea ahalbidetu zion, eta gutxira RKOrekin. Aktore moldagarria zen, balekoa komedietan zein drametan. Gerora, dena den, western askotako antzezle bikaina izan zen.

Bete-betean aritu zen lanean 1930eko hamarkadan eta hurrengoaren lehen urteetan, filma interesgarrienak sasoi horretakoak direlarik: King Vidorren Bird of Paradise (1932), Cecil B. DeMilleren Union Pacific (1939), Alfred Hitchcocken Foreign Correspondent (1940) eta Preston Sturgesen Sullivan's Travels (1941) eta The Palm Beach Story (1942). 1962an Sam Peckinpah handiak Ride the High Country filmean Randolph Scott aktorearekin aritzeko aukera eman zion, kritikak aparteko lantzat hartu duena.

Frances Dee aktorearekin ezkondua zen 1933an. Zineman lan egiteari laga zionetik, 1976tik, erretiroa hartu eta etxalde (rancho) batera jo zuen. 1990ean neumonia batek jota hil zen.

Filmografia hautatua

• The Enemy (1927)
• The Jazz Age (1929)
• Girls About Town (1931)
• Business and Pleasure (1932)
• The Most Dangerous Game (1932)
• Bird of Paradise (1932)
• Bed of Roses (1933)
• Gambling Lady (1934)
• The Richest Girl in the World (1934)
• Private Worlds (1935)
• Barbary Coast (1935)
• These Three (1936)
• Two in a Crowd (1936)
• Come and Get It (1936)
• Internes Can't Take Money (1937)
• Dead End (1937)
• Wells Fargo (1937)
• Union Pacific (1939)
• He Married His Wife (1940)
• Primrose Path (1940)
• Foreign Correspondent (1940)
• Sullivan's Travels (1941)
• The Palm Beach Story (1942)
• The Great Man's Lady (1942)
• The More the Merrier (1943)
• Buffalo Bill (1944)
• The Virginian (1946)
• Ramrod (1947)

• Four Faces West (1948)
• South of St. Louis (1949)
• Colorado Territory (1949)
• The Outriders (1950)
• Stars in My Crown (1950)
• Saddle Tramp (1950)
• Frenchie (1950)
• Cattle Drive (1951)
• The San Francisco Story (1952)
• Rough Shoot (1953)
• Lone Hand (1953)
• Border River (1954)
• Black Horse Canyon (1954)
• Stranger on Horseback (1955)
• Wichita (1955)
• The First Texan (1956)
• The Oklahoman (1957)
• Trooper Hook (1957)
• The Tall Stranger (1957)
• Cattle Empire (1958)
• Fort Massacre (1958)
• The Gunfight at Dodge City (1959)
• Ride the High Country (1962)
• The Young Rounders (1966)
• Sioux Nation (1970)
• Cry Blood, Apache (1970)
• Mustang Country (1976)

Kanpo loturak

Wikimedia Commonsen badira fitxategi gehiago, gai hau dutenak: Joel McCrea

• Joel McCrea aktorea Imdb datu-basean[1]